ದೈವಿಕ್ ಸ೦ದೇಶ್ - ಡಿವ್ಯ್ ನ್ ರೆತಿರ್ ಮ೦ದಿರಾಚೆ೦ ಪತ್ರ್

ಸ೦ಪಾದಕೀಯ್ - ನಮಾನ್ ಬಾಳೊಕ್ ಮರಿಯೆ....

admin — Fri, 29 Aug 2008 00:49:12 -0400

ನಮಾನ್ ಬಾಳೊಕ್ ಮರಿಯೆ
ಸರ್ಗಾ ಸಂಸಾರಾಚೆ ರಾಣಿಯೆ
ಆಮಾಂ ಪಾತ್ಕ್ಯಾಂಚೆ ಮಾಯೆ
ಆಮ್ಚೆ ವ್ಹಡ್ ಶೆಕಾಯೆ

ಜಲ್ಮಾಲಿಯ್ ತುಂ ಸಾಂತ್ ಅನ್ನಾಚೆ ಉದರಿಂ
ಆನಿ ಸಾಂ. ಜೊಕಿಚೆ ಘರಿಂ
ಜಾವ್ನ್ ಏಕ್ ಮಹಾನ್ ನಾರಿ
ಉಜ್ವಾಡ್ ಫಾಂಕಯ್ಲೊಯ್ ಸಂಸಾರಿ.

ಹಿಂ ಜಾವ್ನಾಸಾತ್ ಆಮ್ಚ್ಯಾ ಕಾಳ್ಜಾಂತ್ ಥಾವ್ನ್ ಉಮಾಳೊನ್ ಯೆಂವ್ಚಿಂ ಉತ್ರಾಂ ಆಮ್ಚ್ಯಾ ಸರ್ಗಿಂಚ್ಯಾ ಮಾಯೆಚಿ ಜಲ್ಮಾದಿವಸ್ ಆಮಿ ತಿಚ್ಯಾ ಭುರ್ಗ್ಯಾಂನಿ ಆಚರ್ಸು೦ಚ್ಯಾ ಹ್ಯಾ ಸಂದರ್ಭಾರ್. ಮರಿಯೆ ಮಾಯೆಚೊ ಜಲ್ಮಾ ದೀಸ್ ಸಗ್ಳ್ಯಾ ಮನ್ಶ್ಯಾಕುಳಾಕ್ ವರ್ತ್ಯಾ ಸಂಭ್ರಮಾಚೊ ಕಿತ್ಯಾಕ್ ತಿಚ್ಯಾ ಜಲ್ಮಾವರ್ವಿಂ ದೆವಾಚಿ ಯೆವ್ಜಣ್ ಮನ್ಶ್ಯಾಚ್ಯಾ ಸೊಡ್ವಣೆಖಾತಿರ್ ಕಾರ್ಯಗತ್ ಜಾಲಿ. ದೆವಾಚ್ಯಾ ಎಕ್ಲ್ಯಾಚ್ ಪುತಾನ್, ಸೊಮ್ಯಾ ಜೆಜುನ್ ಮನಿಸ್ ಜಾವ್ನ್ ಸಂಸಾರಿ ಯೆಂವ್ಚ್ಯಾ ತ್ಯಾ ದೆವಾಚ್ಯಾ ಮಾಂಡಾವಳಿಕ್ ಮರಿಯೆಚೊ ಜಲ್ಮ್ ಏಕ್ ಆಕಾರ್ ದಿತಾ ಏಕ್ ನಿರ್ದಿಷ್ಟ್ ರೂಪ್ ದಿತಾ. ಹ್ಯಾ ವರ್ವಿಂ ದೆವಾಚ್ಯಾ ಖುಶೆ ಪರ್ಮಾಣೆಂ ಮನ್ಶ್ಯಾಚ್ಯಾ ಸೊಡ್ವಣೆಂತ್ ಮರಿಯೆ ಮಾಯೆಚೊ ವಿಶೇಸ್ ಪಾತ್ರ್ ಆಮಾಂ ಪಾತ್ಕ್ಯಾಂಕ್ ಏಕ್ ಭರ್ವಸ್ಯಾಚೆಂ ಕಿರಣ್ ಜಾವ್ನಾಸಾ.

ದೆವಾಚೊ ಸಬ್ದ್ ಜಿವಿತಾಚೊ ಸ೦ದೇಶ್

admin — Fri, 29 Aug 2008 00:47:23 -0400

"ವೆಳಾಕಾಳಾ ಪುರ್ವಿಂ ಸಬ್ದ್ ಆಸ್ಲೊ; ಸಬ್ದ್ ದೆವಾ ಸವೆಂ ಆಸ್ಲೊ. ಸಬ್ದ್ ದೇವ್ ಜಾವ್ನಾಸ್ಲೊ" (ಜುವಾಂವ್. 1:1)

ಸಬ್ದ್ ಸಂದೇಶ್ ಪ್ರಸಾರ್ ಕರ್ತಾ. ಸಬ್ದಾಂತ್ ಸಂದೇಶ್ ಅಟಾಪುನ್ ಆಸಾ. ಸಬ್ದ್ ವ ಜಾಯ್ತೆ ಸಬ್ದ್ ಸಂದೇಶ್ ಪರ್ಗಟ್ ಕರುಂಕ್ ಅಮಿ ವಾಪರ್ತಾಂವ್. ಆಮ್ಚೆಂ ಮಧೆಂ ಜಾಯ್ತೆ ಜಣ್ ಸಂದೇಶಾಕ್ ಚಡ್ ಗಮನ್ ದೀನಾಂವ್. ಬದ್ಲಾಕ್ ಭಾಷೆಕ್ ಚಡ್ ಪ್ರಾಧಾನ್ಯತಾ ದಿತಾಂವ್ ಆನಿ ಕಸಲೆ ಸಬ್ದ್ ವಾಪರ್ತಾತ್ ಮ್ಹಳ್ಳೆಂ ಮತಿಂತ್ ದವರ್ತಾಂವ್. ಪವಿತ್ರ್ ಪುಸ್ತಕ್ ಆಮ್ಕಾಂ ಸಾಂಗ್ತಾ "ವೆಳಾಕಾಳಾ ಪುರ್ವಿಂ ಸಬ್ದ್ ಆಸ್ಲೊ; ಸಬ್ದ್ ದೆವಾ ಸವೆಂ ಆಸ್ಲೊ. ಸಬ್ದ್ ದೇವ್ ಜಾವ್ನಾಸ್ಲೊ" (ಜುವಾಂವ್. 1:1). ಹಾಚೊ ಅರ್ಥ್ ಕಿತೆಂ? ಹೆಂ ಆಮಿ ಕಶೆಂ ಸಮ್ಜೊನ್ ಘೆಂವ್ಚೆಂ? ದೆವಾಚೆಂ ಉತಾರ್‌ಚ್ ಹ್ಯಾ ಬಾಬ್ತಿನ್ ಆಮ್ಕಾಂ ಖರಿ ಸಮ್ಜಣಿ ವ ಜಾಣ್ವಾಯ್ ದಿತಾ.

ಜೆಜುಚೆಂ ಆಮೊಲಿಕ್ ರಗತ್

admin — Fri, 29 Aug 2008 00:45:49 -0400

"ತುಮ್ಚ್ಯಾ ಪುರ್ವಜಾಂಚ್ಯಾ ವ್ಯರ್ಥ್ ಸಂಪ್ರದಾಯಾಂತ್ಲೆಂ ತುಮ್ಕಾಂ ಸೊಡಯ್ಲ್ಯಾತ್ ತೆಂ ತುಮಿ ಜಾಣಾಂತ್. ರುಪ್ಯಾನ್ ವಾ ಬಂಗಾರಾನ್ ನ್ಹಯ್, ಬಗಾರ್ ಜೆಜುಚ್ಯಾ ಆಮೊಲಿಕ್ ರಗ್ತಾನ್ ತುಮ್ಚಿ ಸೊಡ್ವಣ್ ಜಾಲ್ಯಾ. ತೆಂ ರಗತ್ ಖತಾವಿಣ್ ಆನಿ ಆಯ್ಬಾವಿಣ್" (1 ಪೆದ್ರು 1:18-19).

ಎಕಾ ಮಾಗ್ಣ್ಯಾ ಜಮಾತಿಕ್, ಏಕ್ ಆವಯ್-ಬಾಪಯ್ ಆಪ್ಲ್ಯಾ ಸಾತ್ ವರ್ಸಾ೦ಚ್ಯಾ ಭುರ್ಗ್ಯಾಕ್ ಘೆವ್ನ್ ಆಯ್ಲಿಂ. ತ್ಯಾ ಭುರ್ಗ್ಯಾಚ್ಯಾ ಪೊಟಾಂತ್ ಏಕ್ ಮಾಸಾಕುಡ್ಕೊ ವಾಡ್‌ಲ್ಲೊ. ತೆಂ ಕ್ಯಾನ್ಸರ್ ಜಾಂವ್ಕ್ ಸಾಧ್ಯ್ ಆಸಾ ದೆಕುನ್, ವೆಗಿಂಚ್ ಶಸ್ತ್ರ್‌ಚಿಕಿತ್ಸಾದ್ವಾರಿಂ ತೆಂ ಕಾಡುಂಕ್ ದಾಕ್ತೆರಾಂನಿ ಸಲಹಾ ದಿಲ್ಲಿ. ಇತ್ಲ್ಯಾ ಧಾಕ್ಟ್ಯಾ ಚೆರ್ಕ್ಯಾಕ್ ಆಪರೇಶನ್ ಕರಿಜೆ ಮ್ಹಣ್ ಆಯ್ಕೊನ್ ಆವಯ್-ಬಾಪಯ್ ಖಂತಿಷ್ಟ್ ಜಾಲ್ಲಿಂ. ತ್ಯಾ ಭುರ್ಗ್ಯಾಚೆರ್ ಹಾತ್ ದವರ್ನ್ ಮಾಗ್ತಾನಾ, ಹಾಂವೆಂ ಜೆಜುಚ್ಯಾ ಆಮೊಲಿಕ್ ರಗ್ತಾಕ್ ಉಲೊ ಮಾರ್ನ್ ತೆಂ ಸಿಸ್ಟ್ ವಾ ಪಿಡಾ ಆಸ್ಚ್ಯಾ ಜಾಗ್ಯಾರ್ ಹಾತ್ ದವರ್ನ್ ಮಾಗೊಂಕ್ ಸಾಂಗ್ಲೆಂ. ಥೊಡ್ಯಾ ದಿಸಾಂ ಉಪ್ರಾಂತ್ ತಿಂ ಚೆರ್ಕ್ಯಾಕ್ ಸಾಂಗಾತಾ ಘೆವ್ನ್ ಸನ್ವಾರಾ ಸಕ್ಡಾಂ ಹುಜಿರ್ ಸಾಕ್ಸ್ ದೀಂವ್ಕ್ ಲಾಗ್ಲಿಂ. "ಆಮಿ ದೋನ್ ಹಫ್ತ್ಯಾಂ ಆದಿಂ ಹಾಂಗಾ ಆಯಿಲ್ಲ್ಯಾ ವೆಳಾರ್ ಆಮ್ಚ್ಯಾ ಭುರ್ಗ್ಯಾಕ್ ಕ್ಯಾನ್ಸರ್ ಆಸ್ಲೆಂ. ದಾಕ್ತೆರಾಂನಿ ವೆಗಿಂಚ್ ಆಪರೇಶನ್ ಜಾಯ್ಜೆ ಮ್ಹಳೆಂ. ಆಮಿ ಜೆಜುಲಾಗಿಂ ಆಯ್ಲ್ಯಾಂವ್. ಪಾದ್ರ್ಯಾಬಾನ್ ಸಾಗ್ಲೆಲೆಪರಿಂ ಪಿಡಾ ಆಸ್ಚ್ಯಾ ಜಾಗ್ಯಾರ್ ಹಾತ್ ದವರ್ನ್ ಜೆಜುಚೆಂ ಆಮೊಲಿಕ್ ರಗತ್ ಮಾಗ್ಲೆಂ. ಉಪ್ರಾಂತ್ ದಾಕ್ತೆರಾಲಾಗಿಂ ಗೆಲ್ಲ್ಯಾ ವೆಳಾರ್, ದಾಕ್ತೆರಾನ್ ಪರೀಕ್ಷಾ ಕರ್ತಾನಾ, ತಾಂಕಾಂ ತೆಂ ಕ್ಯಾನ್ಸರ್ ಮೆಳೊಂಕ್ ನಾ. ಆಪರೇಶನ್ ನಾಸ್ತಾಂ, ಭುರ್ಗೊ ಬರೊ ಜಾಲಾ. ದೆವಾಕ್ ಜಾಂವ್ ಅರ್ಗಾಂ ಆನಿ ಹೊಗ್ಳಾಪ್." ತ್ಯಾ ಮಾಗ್ಣ್ಯಾರ್ ಆಸ್ಲೆಲಿ ಎಕ್ಲಿ ಭಯ್ಣ್ ತ್ಯೆ ಸಾಂಜೆರ್ ಏಕ್ ಸಿಸ್ಲಿ ಘೆವ್ನ್ ಮ್ಹಜೆಲಾಗಿಂ ಆಯ್ಲಿ ಆನಿ ಮ್ಹಣಾಲಿ, "ಫಾದರ್ ಜೆಜುಚೆಂ ಆಮೊಲಿಕ್ ರಗತ್ ಮ್ಹಾಕಾಯೀ ದಿಯಾ. ಮ್ಹಜ್ಯಾ ಪುತಾಕ್‌ಯೀ ಜಾಯ್ತ್ಯಾ ಮಹಿನ್ಯಾಂಥಾವ್ನ್ ಹುಶಾರ್ ನಾ" ಆಯ್ಕೊನ್ ಮ್ಹಾಕಾ ಹಾಸೊ ಆಯ್ಲ್ಯೊ.

ಲ್ಹಾನ್ ಸಂಗ್ತಿಂನಿ ವಿಶ್ವಾಸ್‌ಪಣ್ ದಾಕಂವ್ಚೆಂ

admin — Fri, 29 Aug 2008 00:43:28 -0400

ಮ್ಹಜ್ಯಾ ಹಿಂದಿ ಪಾಠ್ ಬುಕಾಂತ್ ವಾಚ್‌ಲ್ಲಿ ಏಕ್ ಕಾಣಿ ಮ್ಹಜ್ಯಾ ಉಡಾಸಾಕ್ ಯೆತಾ. ಎಕ್ಲೊ ತರ್ನಾಟೊ ದುರ್ಬಳೊ ತರೀ ಹುಶಾರ್ ಆನಿ ಚುರುಕ್ ಆಸ್‌ಲ್ಲೊ. ಪುಣ್ ತಾಕಾ ಎದೊಳ್ ಕಸಲೆಂಚ್ ಕಾಮ್ ಮೆಳೊಂಕ್ ನಾತ್‌ಲ್ಲೆಂ ಆನಿ ತೊ ಬೆಕಾರಿ ಜಾವ್ನಾಸ್‌ಲ್ಲೊ. ಪುಣ್ ತಾಚ್ಯಾ ಜಿವಿತಾಂತ್ ಏಕ್ ವರ್ತೊ ಉದ್ಯಮಿ (ವ್ಯಾಪಾರಿ) ಜಾಂವ್ಕ್ ತೊ ಆಶೆತಾಲೊ ಆನಿ ಸಪ್ಣೆತಾಲೊ. ಪುಣ್ ಕಸಲೆಂಚ್ ವ್ಯಾಪಾರ್ ಸುರು ಕರುಂಕ್ ಜಾಯ್ ಆಸ್ಚೊ ದುಡು ತಾಚೆ ಥಂಯ್ ನಾತ್‌ಲ್ಲೊ.

ಎಕಾ ಗೊವ್ಳ್ಯಾಚಿ ಭೆಟ್

admin — Fri, 29 Aug 2008 00:41:44 -0400

ಅಗೋಸ್ತ್ 3 ತಾರಿಕೆರ್ ಮಂಗ್ಳುರ್‍ಚೊ ಬಿಸ್ಪ್ ಬೋವ್ ಮಾನಾದಿಕ್ ಬಾಪ್ ಲುವಿಸ್ ಪಾವ್ಲ್ ಸೊಜಾನ್ ಕಿರ್‍ಯಾಂತ್ಲ್ಯಾ ಎಸ್.ವಿ.ಡಿ. ಸೆಮಿನರಿಚಿ ಭೆಟ್ ಕೆಲಿ. ಸೆಮಿನರಿಂತ್ಲ್ಯಾ ಸಮೆಸ್ತ್ ಯಾಜಕ್ ಭಾವಾಂಕ್, ಬ್ರದರ್‍ಸಾಂಕ್ ಆನಿ ಕಾಮೆಲ್ಯಾಂಕ್ ತಾಂಣಿ ಬರೆಂ ಮಾಗ್ಲೆಂ. ಆಮ್ಕಾಂ ಸಮೆಸ್ತಾಂಕ್ ಹೊ ಏಕ್ ವರ್ತ್ಯಾ ಸಂತೊಸಾಚೊ ಅನ್ಬೊಗ್ ಕಿತ್ಯಾಕ್‌ಗಿ ಮ್ಹಳ್ಯಾರ್ ಆಮ್ಚ್ಯಾ ಆತ್ಮಿಕ್ ಗೊವ್ಳ್ಯಾನ್ ಆಮ್ಕಾಂ ಸಮೆಸ್ತಾಂಕ್ ತಾಂಚೊ ಅಮೂಲ್ಯ್ ವೇಳ್, ತಾಂಚೆಂ ಶಾಂತ್‌ಪಣ್, ಮಯ್ಪಾಸ್ ಆಮ್ಚೆರ್ ದಾಕಯ್ಲೊ. ಮೋಗ್ ಆನಿ ಖಂತ್ ಹುಸ್ಕೊ ತಾಚೆ ಥಂಯ್ ಆಮ್ಕಾಂ ಆಯ್ಕೊಂಕ್, ಸಮ್ಜೊನ್ ಘೆಂವ್ಕ್ ಆಸ್ಚೆಂ ತೆಂ ಬರೆಂ ಮನ್ ಹೆಂ ಸರ್ವ್ ಆಮ್ಕಾಂ ಆಮ್ಚ್ಯಾ ಬಿಸ್ಪಾ ವಿಶ್ಯಾಂತ್ ಅಭಿಮಾನ್ ಭೊಗಾಶೆಂ ಕರ್ತಾ. ಸುಮಾರ್ ತೀನ್ ಹೆರ್ ಜಾಗ್ಯಾಂನಿ ಮಿಸಾಂ ಆಸ್ಲ್ಯಾರ್‌ಯಿ ಆಮ್ಕಾಂ ಜಾಯ್ ಪುರ್ತೊ ವೇಳ್ ತಾಂಣಿಂ ದಿಲ್ಲೊ. ಏಕ್ ಅರ್ಥಾಭರಿತ್ ಮಿಸಾಚೆಂ ಬಲಿದಾನ್ ಭೆಟವ್ನ್ ತಶೆಂಚ್ ಆಮ್ಕಾಂ ಸಮೆಸ್ತಾಂಕ್ ಆಮ್ಚ್ಯಾ ಜಿಣ್ಯೆ ಧ್ಯೇಯಾಂತ್ ಪ್ರೋತ್ಸಾಹಿತ್ ಕರ್ಚೆ ತಸಲಿ ಗುಂಡಾಯೆಚಿ ಏಕ್ ಶಿಕವ್ಣ್ ದೀವ್ನ್ ಆಮ್ಕಾಂ ತಾಂಚ್ಯಾ ಬೆಸಾಂವಾಂನಿ ಭರ್ಲಾ೦. ಹ್ಯಾ ದೆಕುನ್ ಹಿ ಆಮ್ಚ್ಯಾ ಗೊವ್ಳ್ಯಾಚಿ ಭೆಟ್ ಆಮ್ಚ್ಯಾ ಕಾಳ್ಜಾಂ ಮನಾಂಕ್ ದಾಧೊಶಿ ಕರುಂಕ್ ಸಕ್ಲ್ಯಾ.

ಸ್ತುತಿ ಕರ್, ತುಂ ಜಿಕ್ತೊಲೊಯ್

admin — Fri, 29 Aug 2008 00:38:32 -0400

"ಸರ್ವೆಸ್ಪರಾಕ್ ಸ್ತುತಿ ಫಾವೊ, ತಾಕಾ ಹಾಂವ್ ಉಲೊ ಮಾರ್ತಾ೦ ಆನಿ ಮ್ಹಜ್ಯಾ ದುಸ್ಮಾನಾಂಚ್ಯಾ ಹಾತಾಂತ್ಲೊ ಮ್ಹಾಕಾ ತೊ ನಿವಾರ್ತಾ." (ಕೀರ್ತನಾಂ. 18:3)

"ತರೀ ತುಂ ಪವಿತ್ರ್, ಇಸ್ರಾಯೆಲ್ ಕರ್ತಾ ತೆ ಸ್ತುತೆಚ್ಯಾ ಶಿಂವಾಸನಾರ್ ತುಂ ಬಸ್ಲಾಯ್." (ಕೀರ್ತನಾಂ. 22:3)

"ಮ್ಹಜ್ಯಾ ಭಾವಾಂಕ್ ತುಜೆಂ ನಾಂವ್ ಹಾಂವ್ ಪರ್ಗಟ್ ಕರ್ತಲೊಂ, ಸಭೆ ಮಧೆಂ ಹಾಂವ್ ತುಜಿ ಸ್ತುತಿ ಕರ್ತಲೊಂ" (ಕೀರ್ತನಾಂ. 22:22)

ಪವಿತ್ರ್ ಆನಿ ಜಿವೆಂ ಬಲಿದಾನ್

admin — Fri, 29 Aug 2008 00:34:27 -0400

ಥೊಡ್ಯಾ ಮಹಿನ್ಯಾಂ ಪಯ್ಲೆಂ, ಎಕಾ ತರ್ನಾಟ್ಯಾನ್ ಮ್ಹಾಕಾ ವಿಚಾರ್ಲೆಂ 'ಹಾಂವೆಂ ಕಶೆಂ ನಿತಳ್ ರಾಂವ್ಚೆಂ? ಪಿಯೊಣ್ಯಾ ಥಾವ್ನ್, ಬಿಡಿ ಸಿಗ್ರೆಟಿ ಥಾವ್ನ್ ಹಾಂವೆ ಕಶೆಂ ಪಯ್ಸ್ ರಾಂವ್ಚೆಂ?' ಹೊ ಸಮಸ್ಸೊ ಆಜ್‌ಕಾಲ್ಚ್ಯಾ ತರ್ನಾಟ್ಯಾ ಮಧೆಂ ಸಬಾರಾಂಕ್ ಏಕ್ ಜಾವ್ನಾಸಾ. ಆತಾಂಚೆ ತರ್ನಾಟೆ ಪಿಯೆಂವ್ಚೆಂ, ಸಿಗ್ರೆಟ್ ವೊಡ್ಚಿ ಆನಿ ಇಷ್ಟಾಂ ಸಾಂಗಾತಾ ಖುಶಾಲಾಯ್ ಭೊಗ್ಚಿ, ಹೆಂ ಸಕ್ಕಡ್ ಹರ್ಯೆಕ್ಲ್ಯಾಚ್ಯಾ ಜಿವಿತಾಚೆಂ ವ್ಹಡ್ಪಣ್ ಮ್ಹಣ್ ಚಿಂತ್ತಾತ್. ಅಶೆಂ ಕರಿನಾಂತ್ ತರ್, ತೆ ಹೆರಾಂ ಮಧೆಂ ಲ್ಹಾನ್ ಮ್ಹಣ್ ಭೊಗ್ತಾತ್. ತಸಲ್ಯಾಂಕ್ ದೆವಾಚೆಂ ಉತಾರ್ ಸಾಂಗ್ತಾ "ಪವಿತ್ರ್ ಜಾಯಾ, ಕಿತ್ಯಾಕ್ ಹಾಂವ್, ಸರ್ವೆಸ್ಪರ್, ತುಮ್ಚೊ ದೇವ್ ಪವಿತ್ರ್" (ಲೆವಿಶಾಸ್ತ್ರ್. 19:2). ಪೂಣ್ ತರ್ನಾಟೆ ಚಿಂತ್ತಾತ್ ಹೆಂ ಭಕ್ತಿಪಣ್ ಆನಿ ಸಾಂತಿಪಣ್ ಆಮ್ಕಾಂ ತರ್ನಾಟ್ಯಾಂಕ್ ನ್ಹಯ್, ತೆಂ ಕೇವಲ್ ಧಾರ್ಮಿಕಾಂಕ್ ಆನಿ ಪ್ರಾಯ್‌ವಂತಾಂಕ್ ಮಾತ್ರ್ ಮ್ಹಣ್. ದೆಕುನ್೦ಚ್ ಆಮಿ ಸದಾಂ ಮಿಸಾವೆಳಿಂ ಆನಿ ಭಕ್ತಿಕ್ ಕಾರ್ಯಾ೦ವೆಳಿಂ ಪ್ರಾಯ್ವ೦ತಾ೦ಕ್ ಆನಿ ರೆಲಿಜಿಯೊಸಾಂಕ್ ಮಾತ್ರ್ ಪಳೆತಾಂವ್. ದೆವಾಚೆಂ ಉತರ್ ಆಮ್ಕಾಂ ಸಾರ್ಕಿ ಸಮ್ಜಣಿ ದಿತಾ ಆನಿ ಸಾಂಗ್ತಾ "ಣ್ ತುಮಿ ವಿಂಚುನ್ ಕಾಡ್ಲಲಿ ಪರ್ಜಾ, ರಾಯಾಳ್ ಯಾಜಕ್ ವರ್ಗ್, ಏಕ್ ಪವಿತ್ರ್ ರಾಷ್ಟ್ರ್ ಆನಿ ದೆವಾನ್ ಆಪ್ಲೆಂಚ್ ದಾಯ್ಜ್ ಕರ್ನ್ ಘೆತ್ಲಲೊ ಲೋಕ್" (ಪೆದ್ರುಚೆಂ ಪಯ್ಲೆಂ ಪತ್ರ್. 2:9a). "ತಾಚೆ ಸಮೊರ್ ಆಮಿ ಭಾಗೆವಂತ್ ಆನಿ ಖತಾವಿಣ್ ಜಾಂವ್ಚ್ಯಾಕ್ ಸಂಸಾರಾಚೆ ಸ್ಥಾಪನೆ ಆದಿಂಚ್ ಕ್ರಿಸ್ತಾಥಂಯ್ ತಾಣೆಂ ಆಮ್ಕಾಂ ವಿಂಚ್ಲ್ಯಾಂತ್." (ಎಫೆಜ್‌ಗಾರಾಂಕ್. 1:4). "ದೆವಾನ್ ಆಮ್ಕಾಂ ಅನಿಸ್ಕಳ್ಪಣಾಂತ್ ಜಿಯೆಂವ್ಕ್ ಆಪಂವ್ಕ್ ನಾಂತ್, ಬಗಾರ್ ಭಾಗೆವಂತ್ಪಣಿ ಜಿಯೆಂವ್ಕ್ ಆಪಯ್ಲ್ಯಾಂತ್." (1 ಥೆಸ್ಸಾಲೋನಿಕಾಗಾರಾಂಕ್ 4:7). ತ್ಯಾ ಪಾಸತ್ "ತುಕಾಚ್ ತುಂ ನಿತಳ್ ದವರ್." (1 ತಿಮೊಥಿ 5:22b).

ಭಾವಾರ್ಥ್ಯಾಚಿ ಬುನಾದ್

admin — Fri, 29 Aug 2008 00:32:38 -0400

ಆಮಿ ಏಕ್ ಘರ್ ಬಾಂದ್ತಾಸ್ತಾನಾ ತಾಕಾ ಏಕ್ ಮಜ್ಬೂತ್ ಬುನ್ಯಾದ್ ಘಾಲ್ತಾಂವ್. ಕಿತ್ಯಾಕ್ ಮ್ಹಳ್ಯಾರ್ ತೆಂ ಘರ್ ಪಾವ್ಸಾಂತ್ ವ ವಾರ್‍ಯಾ ವಾದಾಳಾಕ್ ಹಾಲೊಂಕ್ ನಜೊ ಮ್ಹಣೊನ್. ಹಾಂಗಾಸರ್ ಏಕ್ ಸವಾಲ್ ಉದೆತಾ. ಕಿತೆಂಗೀ ಮ್ಹಳ್ಯಾರ್, ಆಮ್ಚ್ಯಾ ಜಿವಿತಾಂತ್ ಯೆಂವ್ಚ್ಯಾ ಕಷ್ಟಾಂಚ್ಯಾ, ಪಿಡೆಶಿಡೆಚ್ಯಾ, ವಾರ್‍ಯಾ ವಾದಾಳಾಂತ್ ಜಯ್ತ್ ವ್ಹರುಂಕ್ ಆಮಿ ಆಮ್ಚ್ಯಾ ಭುರ್ಗ್ಯಾಂಕ್ ಭಾವಾಡ್ತಾಚಿ ಬುನ್ಯಾದ್ ಘಾಲುಂಕ್ ಶಿಕಯ್ತಾಂವ್‌ಗೀ? ಪವಿತ್ರ್ ಪುಸ್ತಕಾಂತ್ ಜೆಜು ಆಮ್ಕಾಂ ಏಕ್ ವೊಪಾರ್ ಸಾಂಗ್ತಾ, ಕಶೆಂ ಎಕಾ ಬುದ್ವಂತ್ ಮನ್ಶಾನ್ ಆನಿ ಎಕಾ ಹೆಡ್ಡಾ ಮನ್ಶಾನ್ ಆಪ್ಲಿಂ ಘರಾಂ ಭಾಂದ್ಲಿಂಗಿ ಮ್ಹಣ್ (ಮಾತೆವ್. 7:24-27)

ಮ್ಹಜೊ ಜೀವ್ ಗಾಜ್ತಾ ಸೊಮ್ಯಾಚಿ ವಡ್ವಿಕ್!

admin — Fri, 29 Aug 2008 00:27:30 -0400

ಸಪ್ತೆಂಬರ್ ಮಹಿನೊ ಆಯ್ಲೊ ಮ್ಹಣ್ತಾನಾ ಆಮ್ಕಾಂ ಸರ್ವಾಂಕ್ ಏಕ್ ವಿಶೇಸ್ ರಿತಿಚೊ ಅನುಭವ್. ಕುಟ್ಮಾಂತ್, ಸಮಾಜೆಂತ್, ಫಿರ್ಗಜೆಂತ್ ಆನಿ ಪವಿತ್ರ್ ಸಭೆಕ್‌ಚ್ ವರ್ತ್ಯಾ ಮಹತ್ವಾಚೊ ಮಹಿನೊ ಹೊ. ಕಿತೆಂ ಜಾಂವ್ಕ್ ಪುರೊ? ಮ್ಹಣ್ ತುಮಿ ಎದೊಳ್‌ಚ್ ತಕ್ಲಿ ಖೊರ್ಪಿಲಿ ಆಸ್ತೆಲಿ. ಆಮ್ಚ್ಯಾ ಭೋವ್ ಮೊಗಾಳ್ ಸರ್ಗಿಂಚ್ಯಾ ಆವಯ್ಚೊ ಜಲ್ಮಾ ದಿವಸ್. ಹ್ಯಾ ಸಂಭ್ರಮಾಂತ್ ಲ್ಹಾನ್, ವ್ಹಡ್, ದುಬ್ಳೆ, ಗ್ರೇಸ್ತ್, ಅಸ್ಕತ್, ಬಳಿಷ್ಟ್ ಮ್ಹಳ್ಳೊ ಭೇದ್ ನಾಸ್ತಾನಾ ಆಮಿ ವಾಂಟೊ ಘೆತಾಂವ್. ಖಂಚ್ಯಾ ಥರಾಚೊ ವಾಂಟೊ? ಕೇವಲ್ ಸಂಸಾರಿಂ ಸರ್ಭಾರಾಯೆಚೊ? ಅತ್ಮಿಕ್ ಚಿಂತ್ಪಾಚೊ? ಜಿವಿತಾಕ್ ತಾಳ್ ಪಡ್ಚೊ?

ಅಚರ್ಯಾಂ

admin — Fri, 29 Aug 2008 00:06:43 -0400

ಆಮ್ಚ್ಯಾ ಜಿಣಿಯೆಂತ್ ಜಾಂವ್ಚಿ ಬದ್ಲಾವಣ್ ಮ್ಹಣ್ಜೆ ಅತ್ಮಿಕ್, ಶಾರೀರಿಕ್, ಆರ್ಥಿಕ್, ಪ್ರಾಕೃತಿಕ್ ತಶೆಂಚ್ ಆಮ್ಚ್ಯಾ ಘರಾಂತ್, ಕುಟ್ಮಾಂತ್, ಗರ್ಜಾಂತ್, ವಾವ್ರಾಂತ್, ಪಿಡೆಂತ್, ಕಷ್ಟಾಂತ್, ಕರ್ನ್ಯಾಂತ್ ಹ್ಯಾ ಸರ್ವ್ ರಿತಿಂನಿ ಜಾಂವ್ಚಿ ಬದ್ಲಾವಣ್‌ಚ್ ಅಚರ್ಯೆಂ ಜಾವ್ನಾಸಾ. ಹಿಂ ಸರ್ವ್ ಅಜಾಪಾಂ ಹರ್ಯೆಕ್ಲೊ ತಾಂಕಾಂ ಸಂಬಂಧ್ ಜಾಲ್ಲ್ಯಾ ರಿತಿನ್ ಘಡೊಂಕ್ ಆಶೆತಾ. ಆನಿ ಹಿಂ ಸರ್ವ್ ಆಜಾಪಾಂ ಘಡ್ಚೆ ಪ್ರಮುಕ್ ಜಾಗೆ ಜಾವ್ನಾಸಾತ್ ಆಮ್ಚಿಂ ರೆತಿರ್ ಮಂದಿರಾಂ ಯಾ ಥೊಡಿಂ ಪುಣ್ಯಕ್ಷೇತ್ರಾಂ.