ದೈವಿಕ್ ಸ೦ದೇಶ್

ಸಾಂ. ಪಾವ್ಲ್ ಏಕ್ ಖರೊ, ಪ್ರಾಮಾಣಿಕ್ ಜುದೆವ್. ಆಪೊಸ್ತಾಲಾಂಚಿ ಕೃತ್ಯಾಂ ಪುಸ್ತಕಾಂತ್ ನೊವ್ಯಾ ಅಧ್ಯಾಯಾಂತ್ ಆಮ್ಕಾಂ ವಾಚುಂಕ್ ಮೆಳ್ತಾ ತ್ಯಾ ಪರ್ಮಾಣೆ ತಾಚ್ಯಾ ಅವ್ಚಿತ್ ಕನ್ವೆಡ್ತೆರಾ ಉಪ್ರಾಂತ್ ತೊ ಸುವಾರ್ತೆಚೊ ಏಕ್ ಬಳಿಶ್ಟ್ ಪ್ರಸಂಗ್‌ದಾರ್ ಜಾಲೊ. ತೊ ಜೆಜುಚ್ಯಾ ಬಾರಾ ಜಣಾ ಆಪೊಸ್ತಾಲಾಂಬರಿ ಜೆಜು ಸಾಂಗಾತಾ ಜಿಯೆಂವ್ಕ್ ನಾತ್‌ಲ್ಲೊ ಜಾಲ್ಯಾರೀ, ಜೆಜುಕ್ ಸಂಸಾರಾಂತ್ ಧಾಡ್ನ್ ಸಗ್ಳ್ಯಾ ಸಂಸಾರಾಂತ್ ಸಾಲ್ವಾರ್ ಕರ್ಚಾ ದೆವಾಚ್ಯಾ ವಿಸ್ಮಿತ್ಕಾಯೆಚ್ಯಾ ಯೋಜನಾ ವಿಶ್ಯಾಂತ್ ಬರಿ ಜಾಣ್ವಾಯ್ ತಾಣೆ ಜೊಡ್ಲಿ. ಸಾಂ. ಪಾವ್ಲಾಕ್ ದಾಮಾಸ್ಕಾಚೆ ವಾಟೆರ್ ವಿಚಿತ್ರ್ ಥರಾನ್ ಜೆಜುಚೊ ಅನ್ಭೊಗ್ ಜಾಲ್ಯಾ ಉಪ್ರಾಂತ್ ಅಪುಣ್‌ಯಿ ಜೆಜುಚೊ ಅಪೊಸ್ತಲ್‌ಮ್ಹಣ್ ಸಾಂಗೊನ್, ಕೊರಿಂಥ್‌ಗಾರಾಂಕ್ ಬರಯಿಲ್ಲ್ಯಾ ಪತ್ರಾಂತ್ ಅಶೆಂ ಬರಯ್ತಾ: "ಹಾಂವ್ ಏಕ್ ಧರ್ಮ್‌ದೂತ್ ನ್ಹಯ್? ಜೆಜುಕ್ ಆಮ್ಚ್ಯಾ ಸೊಮಿಯಾಕ್ ಹಾಂವೆಂ ದೆಖೊಂಕ್ ನಾ?" (2 ಕೊರಿ. 9:1)

ಪಯ್ಲೆಂ ವಾಚಪ್: ಇಸಾಯಿಯಾ. 40:1-5, 9-11; ದುಸ್ರೆಂ ವಾಚಪ್: ಪೆದ್ರುಚೆಂ ದುಸ್ರೆಂ ಪತ್ರ್. 3:8-14;
ಶುಭ್‌ವಾರ್ತಾ: ಮಾರ್ಕ್. 1:1-8

ವಿಷಯ್: ಸೊಮ್ಯಾಚಿ ವಾಟ್ ತಯಾರ್ ಕರಾ.

ಖಂಚೊಯ್ ಸಂಭ್ರಮ್ ಆಯ್ಲೊ ಮ್ಹಣ್ತಾನಾ ಸುಮಾರ್ ತೆಂಪಾ ಪಯ್ಲೆಂಚ್ ಆಮಿ ತಯಾರಾಯ್ ಕರ್ತಾ೦ವ್. ಧಾಕ್ಲ್ಯಾಕ್: ಪರಿಕ್ಶೆ ಪಯ್ಲೆಂ ಬರೆಂ ಕರ್ನ್ ಶಿಕೊನ್ ಆಮ್ಕಾಂಚ್ ಆಮಿ ತಯಾರ್ ಕರ್ತಾ೦ವ್. ಕ್ರಿಕೆಟ್ ಖೆಳ್ ಖೆಳೊಂಕ್ ಆಸ್ಲ್ಯಾರ್ ಅಭ್ಯಾಸ್ ಕರ್ನ್, ಕಾಜಾರಾಚೊ ಸಂಭ್ರಮ್ ಆಸ್ಲ್ಯಾರ್ ಪಯ್ಲೆಂಚ್ ತಯಾರಾಯ್ ಕರ್ನ್ ಯಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್ ಆಯಿಲ್ಲ್ಯಾ ವೆಳಾರ್ ಯಶಸ್ವಿ ಥರಾನ್ ಜಾಯ್ಜೆ ಮ್ಹಣ್ ಆಮಿ ತಯಾರಾಯ್ ಕರ್ತಾ೦ವ್. ತಶೆಂಚ್ ಜೆಜುಚ್ಯಾ ಜಲ್ಮಾ ದಿಸಾಚೊ ಸಂಭ್ರಮ್ ಆಚರಣ್ ಕರುಂಕ್ ಆಮ್ಚ್ಯಾ ಆತ್ಮ್ಯಾಚಿ ಪಯ್ಲೆಂಚ್ ಆಮಿ ತಯಾರಾಯ್ ಕರ್ಚಿ ಭೋವ್ ಗರ್ಜೆಚಿ ಜಾವ್ನಾಸಾ.

ಪಯ್ಲೆಂ ವಾಚಪ್: ಇಸಾಯಿಯಾ. 61:1-2, 10:11; ದುಸ್ರೆಂ ವಾಚಪ್: 1 ಥೆಸ್ಸಾಲೊನಿ 5:16-24;
ಶುಭ್‌ವಾರ್ತಾ: ಜುವಾಂವ್ 1:6-8, 19-29

ವಿಷಯ್: "ಪಾಪ್ಸಾಲ್ಲಿಂ ಕಾಳ್ಜಾಂ ತೊ ಗೂಣ್ ಕರ್ತಾ ಆನಿ ತಾಂಚೆ ಘಾಯ್ ತೊ ಬಾಂದ್ತಾ"(ಕೀರ್ತನ್. 147:3)

ಆಮ್ಚೊ ದೇವ್ ಆಮ್ಚೆಂ ದೂಕ್ ಸುಖಾಂತ್ ಬದ್ಲಿತಾ! ಆನಿ ಸೊಮಿ ದೇವ್ ಸಿಯೊನಾಕ್ ಪಾಟಿಂ ಪರ್ತಾತಲೊ; ಸಾಸ್ಣಿಕ್ ಸಂತೊಸ್ ತಾಂಚೆರ್ ಪರ್ಜಳ್ತಾಲೊ. ತಾಂಕಾಂ ಸಂತೊಸ್ ಆನಿ ಆನಂದ್ ಜಾತಲೊ ಆನಿ ತಾಂಚೆಂ ದೂಕ್ ಆನಿ ವಿಳಾಪ್ ಪೋಳ್ನ್ ವೆತಲೆಂ (ಇಸಾಯಿಯಾ. 35:10)

ಪಯ್ಲೆಂ ವಾಚಪ್: 2 ಸಾಮು 7:1-5, 8b-12; 14a, 16; ದುಸ್ರೆಂ ವಾಚಪ್: ರೊಮಾ. 16:25-27
ಶುಭ್‌ವಾರ್ತಾ: ಲೂಕ್. 1:16-38

ವಿಷಯ್: ಮರಿ ಆಮ್ಚ್ಯಾ ಮಿಸಾವಾಂತ್ ಧಯ್ರಾಚೆಂ ಆನಿ ಖಾಲ್ತೆಪಣಾಚೆಂ ಆದರ್ಶ್
ಆಯ್ಚ್ಯಾ ಲಿತುರ್ಜಿಚ್ಯಾ ಪಯ್ಲ್ಯಾ ವಾಚ್ಪಾಂತ್ ಆಮಿ ವಾಚ್ತಾಂವ್ ದಾವಿದ್ ರಾಯಾಕ್, ದೆವಾಕ್ ಏಕ್ ತೇಂಪ್ಲ್, ಮ್ಹಣ್ಜೆ ಸೊಲ್ಲ್ಯಾಚಿ ಪೇಟ್ ದವ್ರುಂಕ್ ಏಕ್ ತೇಂಪ್ಲ್ ಬಾಂದುಂಕ್ ಜಾಯ್ ಆಸ್‌ಲ್ಲೆಂ. ದೆವಾ ಮಧೆಂ ಆನಿ ಲೊಕಾ ಮಧೆಂ ಜಾಲ್ಲ್ಯಾ ಸೊಲ್ಲ್ಯಾಚಿ ಪೇಟ್ ಇಸ್ರಾಯೆಲ್ ಲೊಕಾಮಧೆಂ ಆಸ್‌ಲ್ಲಿ. ತೊ ಸೊಲ್ಲೊ ಆಸ್‌ಲ್ಲಿ ಪೇಟ್ ದೆವಾಚ್ಯಾ ಸನ್ನಿಧಾನಾಚಿ ಆನಿ ಲೊಕಾಚ್ಯಾ ವಿಧೇಯ್‌ಪಣಾಚಿ ರುಜ್ವಾತ್ ಜಾವ್ನ್ ಆಸ್‌ಲ್ಲಿ. ಪೂಣ್ ದೆವಾನ್, ದಾವಿದ್ ರಾಯಾಚೆ ಮತಿಂತ್ ಆಸ್‌ಲ್ಲೆಂ ತೇಂಪ್ಲ್ ತಾಚೊ ಪೂತ್ ಸಾಲ್ಮಾಂವ್ ಬಾಂದ್ತಾಲೊ ಆನಿ ತಾಚ್ಯಾ ಕುಟ್ಮಾ ಥಾವ್ನ್ ಆನಿ ಏಕ್ ಪೂತ್ ಜಲ್ಮತಾಲೊ, ತಾಚ್ಯಾ ರಾಜಾಕ್ ಅಂತ್ಯ್ ಆಸ್ಚೆಂ ನಾ ಮ್ಹಣ್ ತಾಕಾ ಸಾಂಗ್ಲೆ. ದೆವಾನ್ ಸಾಂಗ್‌ಲ್ಲೆಂ ರಾಜ್ ಜಾವ್ನಾಸಾ ದೈವಿಕ್ ರಾಜ್. ಫಕತ್ ಆತ್ಮಿಕ್ ತೇಂಪ್ಲ್ ವಾ ಅತ್ಮಿಕ್ ರಾಜ್ ಸದಾಂಕಾಳ್ ಬಾಳ್ತಾ.

ಪಯ್ಲೆಂ ವಾಚಪ್: ಸಿರಾಖ್. 3:2-6, 12-14; ದುಸ್ರೆಂ ವಾಚಪ್: ಕೊಲೊಸ್ಸೆ 3:12-21
ಶುಭ್‌ವಾರ್ತಾ: ಲೂಕ್. 2:22-40

ವಿಷಯ್: ನಜರೆತ್ಚ್ಯಾ ಕುಟ್ಮಾಬರಿ ದೆವಾಚ್ಯಾ ಆನಿ ಪೆಲ್ಯಾಚ್ಯಾ ಮೊಗಾಂತ್ ಸೊಭ್ಚಿಂ ಕುಟ್ಮಾಂ ಆಮಿ ಬಾಂದ್ಯಾಂ.

ಸೊಭಿತ್, ಸುಂದರ್ ಭಾಗಿಂತ್ ಆಮಿ ಆಸ್‌ಲ್ಲ್ಯಾ ವೆಳಾರ್ ವೇಳ್ ಪಾಶಾರ್ ಜಾಲ್ಲೊಚ್ ಕಳನಾ. ಮನ್ ಪಿಸ್ವಂವ್ಚಿಂ ಫುಲಾಂ ಪಳೆತಾನಾ ಆನಿ ತ್ಯಾ ಫುಲಾಂಚೊ ಪರ್ಮಳ್ ಘೆತಾನಾ ವರ್ತೊ ಉಲ್ಲಾಸ್ ಜಾತಾ ಆನಿ ತ್ಯಾ ಭಾಗಿಂತ್ ಥಾವ್ನ್ ಭಾಯ್ರ್ ವಚುಂಕ್ ಮನ್ ಯೇನಾ. ಆಮ್ಚಿಂ ಕುಟ್ಮಾಂ ಅಸಲ್ಯಾ ಏಕ್ ಸುಂದರ್ ಭಾಗಿಕ್ ಸರಿ ಕರ್ಯೆತ್‌ಗೀ? ಆಮ್ಚ್ಯಾ ಕುಟ್ಮಾನಿಂ ಮೊಗಾ-ಮಾಯ್ಪಾಸಾಚೊ, ತ್ಯಾಗ್-ಸಾಕ್ರಿಫಿಸಾಚೊ ಸ್ವಾದ್ ಆಸಾಗಿ? ಆಯ್ಚಿಂ ವಾಚ್ಪಾಂ ಆಮ್ಚ್ಯಾ ಕುಟ್ಮಾಜಿವಿತಾಚೆರ್ ನದರ್ ಘಾಲುಂಕ್ ಆನಿ ಆಮ್ಚೆಂ ಕುಟ್ಮಾಜಿವಿತ್ ಫಳಾಧಿಕ್ ಕರ್ಚೆ ದಿಶೆನ್ ಸಾರ್ಕಿಂ ಮೆಟಾಂ ಕಾಡುಂಕ್ ವಾಟ್ ದಾಕಯ್ತಾತ್.

ಆವಯ್-ಬಾಪಯ್ ದೊಳ್ಯಾಂಕ್ ದಿಸ್ಚ್ಯಾ ದೆವಾಚೆಂ (ಸಾರ್ಕೆಂ) ರೂಪ್ ಮ್ಹಳ್ಳಿ ಖರಿ ಸಂಗತ್ ಆಮ್ಚಿ ಭುರ್ಗಿಂ ವಿಸ್ರುನ್ ಆಯ್ಲ್ಯಾಂತ್. ತಾಂಚೆ ಮಾತಾರೆ ಪ್ರಾಯೆರ್ ಅನಾಥಾಶ್ರಮಾಂನಿ ಆನಿ ಥೊಡಿಂ ತಾಂಚ್ಯಾ ಘರಾಂತ್ ಎಕ್ಸುರಿಂ ಜಾವ್ನ್ ತಾಂಚಿ ಖಂತ್ ಬೆಜಾರಾಯ್ ವಾಂಟುಂಕ್ ಜಾಯ್ನಾಸ್ತಾನಾ ಮೌನ್‌ಪಣಾಂತ್ ದೂಖ್ ಗೀಳ್ನ್ ಕಿತ್ಲಿಶಿಂ ಆವಯ್ ಬಾಪುಯ್ ಆಮ್ಚಾ ಸಮಾಜೆಂತ್ ಆಸಾತ್.

"ದೆಕುನ್ ಸರ್ವೆಸ್ಪರ್‌ಚ್ ತುಮ್ಕಾಂ ಏಕ್ ಖುಣಾ ದಿತಲೊ. ಪಳೆ, ಏಕ್ ತರ್ನಾಟಿ ಸ್ತ್ರೀ ಗರ್ಭೆಸ್ತ್ ಆಸಾ, ತಿ ಎಕಾ ಪುತಾಕ್ ಜಲ್ಮ್ ದಿತಲಿ ಆನಿ ತಾಕಾ ಇಮ್ಮಾನುಯೆಲ್ ಮ್ಹಣ್ ನಾಂವ್ ದವರ್ತಲಿ." (ಇಸಾಯಿಯಾ. 7:14)

"ಕಿತ್ಯಾಕ್ ಏಕ್ ಬಾಳಕ್ ಆಮ್ಕಾಂ ಜಲ್ಮಲಾ, ಏಕ್ ಪೂತ್ ಆಮ್ಕಾಂ ದಿಲಾ, ತಾಚ್ಯಾ ಖಾಂದಾರ್ ಅಧಿಕಾರ್ ಘಾಲಾ; ಆನಿ ತಾಕಾ ಹೆಂ ನಾಂವ್ ದವರ್ಲಾ೦: ವಿಸ್ಮಿತ್ ಬೂದ್‌ದಿಣಾರ್, ಪದ್ವೆದಾರ್ ದೇವ್, ಸಾಸ್ಣಿಕ್ ಬಾಪ್, ಶಾಂತಿಚೊ ಕುಂವರ್." (ಇಸಾಯಿಯಾ. 9:6)

"ಆಂಜ್ ಭಡ್ವೆ ಗಾಯಾನ್ ಕರ್ತಾತ್ - ಜಲ್ಮಲಾ ಮ್ಹಣ್ ರಾಯಾಂಚೊ ರಾಯ್ ಅನಿ ಮನಿಸ್ ಜಿಯೆತಲೊ ಸಾಸ್ಣಾಚಾ ಸಾಸ್ಣಾಕ್. ಆಯ್ಕೊವ್ಯಾಂ ಆಮಿ ಆಂಜಾಂಚಾ ಕೋರಾಂಕ್ ಮನಿಸ್ ಜಿಯೆತಲೊ ಸಾಸ್ಣಾಚಾ ಸಾಸ್ಣಾಕ್ ಕಿತ್ಯಾಕ್ ಜೆಜು ಬಾಳೊಕ್ ಜಲ್ಮಲಾ". ಡಿಸೆಂಬರ್ ಮಹಿನೊ ಆಯ್ಲೊ ಮ್ಹಣ್ತಾನಾ ಜೆಜು ಬಾಳ್ಕಾಚಾ ಜಲ್ಮಾಕ್ ಸಂಬಂಧ್ ಜಾಲ್ಲಿಂ ಗಾಯಾನಾಂ ಆಮ್ಕಾಂ ಆಯ್ಕೊಂಕ್ ಮೆಳ್ತಾತ್. ಖರೆಂಚ್ ಜೆಜು ಜಲ್ಮಾಲಾ ಆನಿ ಮನಿಸ್ ಜಿಯೆತಲೊ ಸಾಸ್ಣಾಚಾ ಸಾಸ್ಣಾಕ್. "ದೆವಾನ್ ಸಂಸಾರಾಚೊ ಅಸೊಯೀ ಮೋಗ್ ಕೆಲೊ ಕೀ, ತಾಣೆಂ ಆಪ್ಲ್ಯಾ ಎಕಾಚ್ಚ್ ಪುತಾಕ್ ಒಪುನ್ ದಿಲೊ, ತಾಕಾ ಸತ್ಮಾನ್ತಲ್ಯಾ ಕೊಣಾಚೊಚ್ ನಾಸ್ ಜಾಯ್ನಾ ಜಾಂವ್ಚಾಕ್, ಬಗಾರ್ ತಾಕಾ ಸಾಸ್ಣಿಕ್ ಜಿವಿತ್ ಮೆಳ್ಚಾಕ್" (ಜುವಾಂವ್. 3:16). ಜೆಜುಚಾ ಜಲ್ಮಾ ದಿಸಾಚೆಂ ಫೆಸ್ತ್ ಆಮಿ ಹರ್ಯೆಕಾ ವರ್ಸಾ ಡಿಸೆಂಬರ್ ಮಹಿನ್ಯಾಚಾ 25 ತಾರಿಕೆರ್ ವ್ಹಡಾ ಸಂತೊಸಾನ್ ಆಚಾರಣ್ ಕರ್‍ತಾಂವ್.

ಪವಿತ್ರ್ ಪುಸ್ತಕ್ ಆಮ್ಕಾಂ ಸಾಂಗ್ತಾ "ವೆಳಾಕಾಳಾ ಪುರ್ವಿಂ ಸಬ್ದ್ ಆಸ್‌ಲ್ಲೊ. ಸಬ್ದ್ ದೆವಾ ಸವೆಂ ಆಸ್ಲೊ. ಸಬ್ದ್ ದೇವ್ ಜಾವ್ನಾಸ್‌ಲ್ಲೊ. ಸರ್ವ್ ವಸ್ತು ತಾಚೆ ಮಾರಿಫತ್ ರಚನ್ ಜಾಲ್ಲ್ಯೊ ಆನಿ ರಚ್ಲಲಿ ಖಂಯ್ಚಿಚ್ ವಸ್ತ್ ತಾಚೇವಿಣೆಂ ಆಯಿಲ್ಲಿ ನಾ. ರಚ್‌ಲ್ಲೆ ಹರೇಕ್ ವಸ್ತುನ್ ತಾಚೇ ಥಾವ್ನ್ ಜೀವ್ ಜೊಡ್ಲೊ ಅನಿ ತೊ ಜೀವ್‌ಚ್ ಮನ್ಶಾಕುಳಾಚೊ ಉಜ್ವಾಡ್ ಜಾಂವ್ಕ್ ಪಾವ್ಲೊ." (ಜುವಾಂವ್ 1:1-4). "ಆನಿ ಸಬ್ದ್ ಮನಿಸ್ ಜಾಲೊ ಆನಿ ಆಮ್ಚೆಂ ಮಧೆಂ ಜಿಯೆಲೊ" (ಜುವಾಂವ್. 1:14). "ತೊಚ್ ಪ್ರತಿರೂಪ್ ಅದೃಶ್ ದೆವಾಚೆಂ, ಪ್ರಥಮ್ ಜನಿತ್ ಸರ್ವ್ ರಚ್ನಾಂ ಮಧೆಂ" (ಕೊಲೊಸ್ಸೆಗಾರಾಂಕ್ ಪತ್ರ್. 1:15)

ಸಾಂ. ಜೆರೊಮ್ ಮ್ಹಣ್ತಾ: "ಜೊ ಕೋಣ್ ಪವಿತ್ರ್ ಪುಸ್ತಕ್ ನೆಣಾ ತೊ ಕ್ರಿಸ್ತಾಕ್‌ಚ್ ನೆಣಾ". ಮೊಗಾಚ್ಯಾಂನೊ, ಆಮಿ ಸರ್ವಾಂ ಜಿಣ್ಯೆಂತ್ ಸುಖ್ ಸಂತೊಸ್, ಬರಿ ಭಲಾಯ್ಕಿ ತಶೆಂಚ್ ಸಮೃದ್ಧಿ ಅಪೇಕ್ಷಿತಾಂವ್. ತ್ಯಾ ಖಾತಿರ್ ಖಳ್ಮಿತ್ ನಾಸ್ತಾನಾಂ ವಾವ್ರ್ ಕರ್ತಾ೦ವ್. ಪೂಣ್ ಸಬಾರ್ ಪಾವ್ಟಿ ಆಮ್ಚೆಂ ಯೋಜನ್ ಸುಫಳ್ ಜಾಯ್ನಾಂ. ಹ್ಯಾ ಖಾತಿರ್ ಆಮಿ ದೆವಾಕ್ ದುರ್ಸೊಂಚೆಂ ನ್ಹಯ್. ಪೂಣ್ ತಾಚ್ಯಾ ಉತ್ರಾಂ ಮುಕಾಂತ್ರ್ ತಾಚಿ ಖುಶಿ ಜಾಣಾ ಜಾವ್ನ್, ತಾಚ್ಯಾ ಯೋಜನಾಖಾಲ್ ಮುಂದರುಂಕ್ ಜಾಯ್. ಆಮ್ಚ್ಯಾ ಸಗ್ಳ್ಯಾ ಜಿಣಿಯೆಂತ್ ದೆವಾಚೆಂ ಉತಾರ್ ಪಾಳುನ್ ತಾಕಾ ಗೌರವ್ ದೀಂವ್ಕ್ ಜಾಯ್. ದೆಕುನ್ ಜೆಜು ಮ್ಹಣ್ತಾ: "ದೆವಾಚೆಂ ಉತಾರ್ ಆಯ್ಕೊನ್ ಪಾಳ್ತಾತ್ ತಿಂ ಮ್ಹಜಿ ಆವಯ್ ಆನಿ ಮ್ಹಜೆ ಭಾವ್" (ಲೂಕ್. 8:21). ಇಸಾಯಿಯಾ ಪ್ರವಾದ್ಯಾಚಿಂ ಹಿಂ ಉತ್ರಾಂ ಆಮ್ಚ್ಯಾ ಮತಿಕ್ ಥೊಡೊ ಉಜ್ವಾಡ್ ಫಾಂಕೊಂವ್ಕ್ ಸಕ್ತಿತ್. "ತರೀ ಸರ್ವೆಸ್ಪರಾ, ತುಂ ಆಮ್ಚೊ ಬಾಪ್; ಆಮಿ ಮಾತಿ ಆನಿ ತುಂ ಕುಂಬಾರ್ ಕಿತ್ಯಾಕ್ ಆಮಿ ಸಗ್ಳಿಂ ತುಜ್ಯಾ ಹಾತಾಚೊ ವಾವ್ರ್" (ಇಸಾ. 55:8)