ದೈವಿಕ್ ಸ೦ದೇಶ್

ದೆವಾನ್ ರಚ್ಲೆಲ್ಯಾ ಉತ್ತಿಮ್ ರಚನ್ ಜಾವ್ನಾಸ್‌ಲ್ಲ್ಯಾ ಮನ್ಶಾಕ್ ಸೊಭಿತ್ ದೊಳೆ ಯಾ ದೀಷ್ಟ್ ದೀವ್ನ್ ದೆವಾನ್ ಆನಿಕೀ ಹ್ಯಾ ಸಂಸಾರಾಂತ್ ಮನ್ಶಾ ಥಂಯ್ ವ್ಹಡ್ ಏಕ್ ಆಚರ್ಯೆಂ ಕೆಲಾಂ ಮ್ಹಣ್ಯೆತ್.

ಮನ್ಶಾಚ್ಯಾ ಕುಡಿ ವಯ್ರ್ ಸೊಭ್ಚಾ ವಿಶ್ವ್ಯಾಂ ಪಯ್ಕಿಂ ಪ್ರಧಾನ್ ದೊಳೆಚ್ಚ್ ಜಾವ್ನಾಸಾತ್. ಸರ್ವ್ ಸಂಪೂರ್ಣ್‌ಕಾಯೆನ್ ಭರೊನ್ ಮನ್ಶಾಕ್ ಜರ್‌ತರ್ ದೊಳೆ ದಿಸಾನಾತ್ಲ್ಯಾರ್ ಹೊ ಸಂಸಾರ್ ಸಗ್ಳೊ ಅಂದ್ಕಾರ್‌ಚ್ಚ್ ಜಾತಾ.

ಹರ್ಯೆಕಾ ಮನ್ಶಾಕ್ ತುಜೆಂ ಕಾಳಿಜ್ ಉಗ್ತೆಂ ಕರಿನಾಕಾ ಪುಣ್ ಎಕಾ ಬುದ್ವಂತ್ ಆನಿ ದೇವ್‌ಭಿರಾಂತಿಚ್ಯಾ ಮನ್ಶಾಕ್ ತುಜಿ ಗಜಾಲ್ ಸಾಂಗ್. ತರ್ನಾಟ್ಯಾಂಚೊ ಆನಿ ಪರ್ಕಿ ಮನ್ಶಾಂಚೊ ಚಡಾವತ್ ಸಾಂಗಾತ್ ಕರಿನಾಕಾ. ಗ್ರೆಸ್ತಾಂಕ್ ತೊಂಡಾಪುರ್ತೆಂ ಹೊಗ್ಳಾಪ್ ದಿನಾಕಾ ಆನಿ ವ್ಹಡಾಂ ಮುಖಾರ್ ಪಡೊಂಕ್ ಆಶೆನಾಕಾ. ಖಾಲ್ತ್ಯಾ ಆನಿ ಸಾಧ್ಯಾ ಭಕ್ತಿವಂತ್ ಆನಿ ಗುಣೆಸ್ತ್ ಮನ್ಶಾಚೊ ಸಾಂಗಾತ್ ಕರ್ ಆನಿ ಅತ್ಮ್ಯಾಕ್ ಉಪ್ಕಾರ್ಚ್ಯಾ ವಸ್ತು ವಿಶ್ಯಾಂತ್ ಉಲಯ್. ಕೊಣಾಯ್ ಸ್ತ್ರೀಯೆಚಿ ಸಳಾವಳ್ ತುಕಾ ನಾಕಾ ಪುಣ್ ಸಮೆಸ್ತ್ ಬರ್‍ಯಾಂ ಸ್ತ್ರೀಯಾಂ ಖಾತಿರ್ ಒಟ್ಟುವಾರ್ ದೆವಾಲಾಗಿಂ ಮಾಗ್. ದೆವಾಚಿ ಆನಿ ತಾಚ್ಯಾ ಭಡ್ವ್ಯಾಂಚಿ ಮಾತ್ರ್ ಸಳಾವಳ್ ಕರುಂಕ್ ಆಶಾ ಕರ್ ಆನಿ ಮನ್ಶಾಂಚಿ ಒಳಕ್ ಚುಕಯ್.

"ಸರ್ವೆಸ್ಪರಾಕ್ ಏಕ್ ನವೆಂ ಗೀತ್ ಗಾಯಾ, ಕಿತ್ಯಾಕ್ ತಾಣೆಂ ಕೆಲ್ಯಾಂತ್ ಅಚರ್ಯಾಂ. ತಾಚ್ಯಾ ಉಜ್ವ್ಯಾ ಹಾತಾನ್ ಆನಿ ಪವಿತ್ರ್ ಬಾವ್ಳ್ಯಾನ್ ಜೊಡುನ್ ದಿಲಾಂ ಜಯ್ತ್" (ಕೀರ್ತನ್. 98:1).

ನವೆಂ ವರಸ್ ಪ್ರಾರಂಭ್ ಕರ್ಚ್ಯಾ ಹ್ಯಾ ಸಂದರ್ಭಾರ್ ಸರ್ವೆಸ್ಪರಾ ದೆವಾಕ್ ಏಕ್ ನವೆಂ ಗೀತ್ ಗಾಂವ್ಚೆಂ ಕಿತ್ಲೆಂ ಸಂಪೆಂ ಜಾವ್ನಾಸಾ. ಗೆಲೆತ್ಯಾ ವರ್ಸಾ ದೆವಾನ್ ತಾಚ್ಯಾ ವರ್ತ್ಯಾ ಮೊಗಾನ್ ಆಮ್ಕಾಂ ಚಲವ್ನ್ ವ್ಹೆಲ್ಲ್ಯಾ ವರ್ವಿ೦ ಹೆಂ ನವೆಂ ವರಸ್ ಪಳೆಂವ್ಚೆಂ ಭಾಗ್ ಆಮ್ಕಾಂ ಫಾವೊ ಜಾಲಾಂ. ಸಗ್ಳ್ಯಾ ಕಾಳ್ಜಾನ್, ಅತ್ಮ್ಯಾನ್, ಮನಾನ್ ಆನಿ ಸಕ್ತೆನ್ ಧನ್ಯಾ ದೆವಾಕ್ ಅರ್ಗಾಂ, ಹೊಗ್ಳಾಪ್ ದೀವ್ನ್ ಹೆಂ ವರಸ್ ಸುರು ಕರ್‍ಯಾಂ.

"ತುಮಿ ಸಂಸಾರಾಚೊ ಉಜ್ವಾಡ್. ದೊಂಗ್ರಾಚೇ ತಾಳ್ವೆರ್ ಬಾಂಧ್ಲಾಂ ತೆಂ ಶಹರ್ ಲಿಪೊನ್ ಉರಾನಾ. ಕೊಣ್‌ಯೀ ಮನಿಸ್ ದಿವೊ ಪೆಟೊವ್ನ್ ಕಳ್ಶೇ ಪಂದಾ ದವರಿನಾ. ಬಗರ್ ಘರಾಂತ್ ಆಸ್ಲಲ್ಯಾ ಸಮೆಸ್ತಾಂಕ್ ಉಜ್ವಾಡ್ ಜಾಯ್ಸೊ ದಿವ್ಟೊಣೆರ್ ದವರ್‍ತಾ. ತಸೊಚ್ ತುಮ್ಚೊ ಉಜ್ವಾಡ್ ಮನ್ಶಾಂ ಮುಖಾರ್ ಪರ್ಜಳುಂ. ತೆ ತುಮ್ಚ್ಯೊ ಬರ್‍ಯೊ ಕರ್ನ್ಯೊ ಪಳೆಂವ್ ಆನಿ ತುಮ್ಚ್ಯಾ ಸರ್ಗಿಂಚ್ಯಾ ಬಾಪಾಕ್ ಮಹಿಮಾ ದಿಂವ್" (ಮಾತೆವ್. 5:14-16).

ಅತ್ಮಿಕ್ ವಾಡಾವಳ್

"ಹ್ಯಾ ಪಾಸತ್ ಆತಾಂ ಕ್ರಿಸ್ತಾವಿಶ್ಯಾಂತ್ಲೆ ಪ್ರಾಥಮಿಕ್ ಪಾಠ್ ಸೊಡ್ಯಾಂ ಆನಿ ಚಡ್ ಸಂಪೂರ್ಣಾಯೆಕ್ ಲಕ್ಷಾ ದಿವ್ಯಾಂ. ಆಮಿ ಪರ್ತ್ಯಾನ್ ಬುನ್ಯಾದೇ ಫಾತರ್ ಘಾಲ್ಚೊ ನಾಕಾ. ಬುನ್ಯಾದ್ ಮ್ಹಣ್ ಆಸ್ಲಲಿ ಭಾವಾರ್ಥಾಚಿಂ ಹಿಂ ಸತಾಂ ತುಮಿ ಜಾಣಾಂತ್. ಮೊರ್ನ್ ಹಾಡ್ತಾತ್ ತ್ಯೊ ಸಂಗ್ತಿ ಆಮಿ ಸೊಡಿಜೆ ಆನಿ ದೆವಾಚೆರ್ ವಿಶ್ವಾಸ್ ದವರಿಜೆ" (ಹೆಬ್ರೆವ್. 6:1).

ನವ್ಯಾ ತೆಸ್ತಾಮೆಂತಾಂತ್ ಸರ್ವ್ ಬರಪಾ೦ ಪಯ್ಕಿ ಸಾಂ. ಪಾವ್ಲಾನ್ ಥೆಸ್ಸಾಲೋನಿಕಾಗಾರಾಂಕ್ ಬರಯಿಲ್ಲೆಂ ಪತ್ರ್‌ಚ್ ಪಯ್ಲೆಂ ಜಾವ್ನಾಸಾ. ಸಾಂ. ಪಾವ್ಲ್ ಕ್ರಿ.ಶ. 50 ಇಸ್ವೆಂತ್ ಮೆಸದೋನಿಯಾ ಪ್ರಾಂತ್ಯಾಚೆಂ ಕೇಂದ್ರ್ ಆನಿ ಪ್ರಮುಕ್ ಶಹರ್ ಥೆಸ್ಸಾಲೋನಿಕಾಕ್ ಪಾವ್ಲೊ. ಹ್ಯಾ ಶಹರಾಂತ್ ತಾಕಾ ಜುದೆವಾಂಥಾವ್ನ್ ತಿರಸ್ಕಾರ್ ಮೆಳ್‌ಲ್ಲೆ ವರ್ವಿ೦ ತೊ ಜುದೆವ್ ನ್ಹಂಯ್ ಆಸ್‌ಲ್ಲ್ಯಾಂಕ್ ಸುವಾರ್‍ತಾ ಪ್ರಸಾರ್ ಕರ್ನ್ ಕ್ರಿಸ್ತಾಂವ್ ಸಮುದಾಯ್ ಬಾಂದುನ್ ಹಾಡುಂಕ್ ಯಶಸ್ವಿ ಜಾಲೊ. ತಾಚ್ಯಾ ಉಪ್ರಾಂತ್ ಫಕತ್ ತೀನ್ ಮಹಿನ್ಯಾಂನಿ ಥಂಯ್ ದಗ್ದವ್ಣಿ ಸುರು ಜಾಲಿ ಆನಿ ಸಾಂ. ಪಾವ್ಲಾನ್ ತೊ ಗಾಂವ್ ಸೊಡ್ನ್ ವಚೊಂಕ್ ಜುದೆವಾಂನಿ ತಾಚೆರ್ ದಬಾವ್ ಘಾಲೊ. ಪಾವ್ಲಾನ್ ಥೆಸ್ಸಾಲೊನಿಕಾಚ್ಯಾ ನವ್ಯಾ ಕ್ರೀಸ್ತಾಂವ್ ಸಮುದಾಯಾಕ್ ಫಕತ್ ಕ್ರೀಸ್ತಾಂವ್ ಜೀವನಾಚಿ ಮೂಳ್ ಶಿಕೊವ್ಣ್ ಮಾತ್ರ್ ದಿಲ್ಲಿ. ದೆಕುನ್ ತಾಂಕಾ ಸರ್ವ್ ಧಗ್ದವ್ಣ್ಯೊ ಧಯ್ರಾನ್ ಫುಡ್ ಕರ್ನ್ ಭಾಗೆವಂತ್ ಜಿಣಿ ಜಿಯೆಂವ್ಚ್ಯಾಕ್ ಉತ್ತೇಜನ್ ದಿಂವ್ಚೊ ಹ್ಯಾ ತಾಚ್ಯಾ ಪತ್ರಾಚೊ ಉದ್ದೇಶ್ ಜಾವ್ನಾಸ್‌ಲ್ಲೊ. ಆಮ್ಕಾಂಯಿ ಕ್ರೀಸ್ತಾಂವಾಂಕ್ ಹ್ಯಾ ಕಾಳಾರ್ ಎಕಾ ಥರಾಚಿ ಧಗ್ದವ್ಣಿ ಆಸ್‌ಲ್ಲ್ಯಾನ್ ಸಾಂ. ಪಾವ್ಲಾಚೆಂ ಹೆಂ ಪತ್ರ್ ವಾಚ್ಲ್ಯಾರ್ ಉತ್ತೇಜನ್ ಆನಿ ಧಯ್ರ್ ದೀಂವ್ಕ್ ಖಂಡಿತ್ ಜಾವ್ನ್ ಉಪ್ಕಾರ್ತೆಲೆಂ.

ನವೊ ಜಾಗೊ, ನವೆಂ ಘರ್, ನವಿ ಮುಸ್ತಾಯ್ಕಿ, ನವೆಂ ಕಾಮ್... ವ್ಹಯ್ 'ನವೆಂಪಣ್' ಜಿಣ್ಯೆಂತ್ ಮನಿಸ್ ಆಶೆತಾ. ಪರ್ನ್ಯೊ ಸಂಗ್ತಿ ಸದಾಂಚೆ ಜಾತಾತ್, ಸಾದೆ ಜಾತಾತ್. ನವೆಂಪಣ್ ಯೆತಾಸ್ತಾನಾ, ನವೆಂ ಚಿಂತಪ್ ಆನಿ ನವೊ ಮನೋಭಾವ್ ಎಕಾ ರಿತಿಚೆಂ ನವೀಕರಣ್ ಹಾಡ್ತಾ, ಜೆಂ ಆಮ್ಚೆಂ ಮನ್ ಸಂತೊಸ್ ಕರ್ತಾ. ಚಡಾವತ್ ಜಣ್ ನವೆಂಪಣ್ ಆಶೆವ್ನ್ ನವ್ಯಾ ಹುರುಪಾನ್ ಜಿಯೆಂವ್ಕ್ ಅತ್ರೆಗ್ತಾತ್ ತರೀ ಥೊಡ್ಯಾಂಕ್ ಪರ್ನೆ೦ಚ್ ಬರೆಂ ಮ್ಹಣ್ ದಿಸ್ತಾ ಆನಿ ನವೆಸಾಂವ್ ಮ್ಹಣ್ತಾನಾ ಎಕಾ ರಿತಿಚಿ ಕಾವ್ಜೆಣಿ ಆನಿ ಆತುರಾಯ್ ಭೊಗ್ತಾ. ಕಿತೆಂಯ್ ಜಾಂವ್, ನವ್ಯಾ ವರ್ಸಾಕ್ ಪಾಂಯ್ ತೆಂಕ್ತಾನಾ ಆಮ್ಚೆ ಮತಿಂತ್ ಏಕ್ ವಾಜ್ಬಿ ಸವಾಲ್ ಉದೆತಾ - 'ನವ್ಯಾ ವರ್ಸಾ೦ತ್ ಕಿತೆಂ ನವೆಸಾಂವ್?'

ಪಯ್ಲೆಂ: ಇಸಾಯಿಯಾ. 60:1-6; ದುಸ್ರೆಂ: ಎಫೆಜ್. 3:2-3, 5-6; ಶುಭ್‌ವಾರ್ತಾ: ಮಾತೆವ್. 2:1-12

ವಿಷಯ್: ಜೆಜು ಸಂಸಾರಾಚೊ ಉಜ್ವಾಡ್

ಸಂಸಾರಾರ್ ವೆಗಾನ್ ಆನಿ ಭರಾನ್ ಬದ್ಲಾವಣ್ ಜಾವ್ನ್‌ಚ್ ಆಸಾ, ಜಾಲ್ಯಾರೀ ದೇವ್ ಆಮ್ಚೆಂ ಥೈಂ ಏಕ್ ಜಾವ್ನ್ ಆಪ್ಣಾಕ್‌ಚ್ ಹ್ಯಾ ಸಂಸಾರಾಕ್ ಉಗ್ಡಾಪೆಂ ಕರ್ನ್ ಖಳಿತ್ ಕೆಲ್ಲೆಂ ಸತ್ ಮನಿಸ್ ಎದೊಳೀ ಸಮ್ಜೊಂಕ್ ನಾ. ಜೆಜುಚಾ ಆಪ್ ಪರ್ಗಟ್ಣೆಚೆಂ ಫೆಸ್ತ್, ಹ್ಯಾ ಸತಾಚೆರ್ ಖರೆಂಚ್ ಉಜ್ವಾಡ್ ಫಾಂಕ್ತಾ. ಪೂಣ್ ಮನಿಸ್ ಹ್ಯಾ ಸಂಸಾರಾಚಾ ಜಾಣ್ವಾಯೆಕ್ ಲಬ್ದೊವ್ನ್ ಹೆಂ ಸತ್ ಜಾಣಾಂ ಜಾಂವ್ಕ್ ಚುಕೊನ್ ಪಡ್ಲಾ. ಪವಿತ್ರ್ ಪುಸ್ತಕಾಂತ್ ಆಶೆಂ ಬರವ್ನ್ ಘಾಲಾಂ. "ಹ್ಯಾ ಸಂಸಾರಾಚಿ ಜಾಣ್ವಾಯ್ ದೆವಾನ್ ಪಿಶೆಪಣ್ ಮ್ಹಣ್ ಕರ್ನ್ ಸೊಡ್ಲ್ಯಾ ನ್ಹಯ್?" (ಕೊರಿಂಥ್‌ಗಾರಾಂಕ್ ಪಯ್ಲೆಂ ಪತ್ರ್. 1:21). ಗರ್ದನಾಚ್ಯಾ ಗೊಟ್ಯಾಂತ್ ಜಲ್ಮಾಲ್ಲ್ಯಾ ಜೆಜುಕ್ ಖರೊ ದೇವ್ ಮ್ಹಣ್ ವೊಳ್ಕೊನ್, ಮೊಗಾನ್ ಆನಿ ಪಾತ್ಯೆಣೆನ್ ಬರ್‌ಲ್ಲ್ಯಾ ಕಾಳ್ಜಾನ್ ಆರಾಧಾನ್ ಕೆಲ್ಲ್ಯಾ ಉದೆಂತಿಚ್ಯಾ ತೆಗಾಂ ರಾಯಾಂ ಮುಖಾಂತ್ರ್, ದೇವ್ ಆಪ್ಣಾ ಥಂಯ್ ಲಿಪೊವ್ನ್ ಆಸ್‌ಲ್ಲೊ ಮಿಸ್ತೆರ್ ಆಮ್ಕಾಂ ಉಗ್ಡಾಪೆಂ ಕರ್ತಾ.

ಪಯ್ಲೆಂ: ಇಸಾಯಿಯಾ. 42:1-4, 6-7 ದುಸ್ರೆಂ ಆ. ಕೃತ್ಯಾಂ 10:34-38; ಶುಭ್‌ವಾರ್ತಾ: ಮಾರ್ಕ್. 1:7-11

ವಿಶಯ್: ಪವಿತ್ರ್ ಅತ್ಮ್ಯಾ ಥಂಯ್, ಬಾಪಾಚೆಂ ಮಿಸಾಂವ್ ಕರುನ್ ತಾಕಾ ಮೊಗಾಚಿಂ ಜಾವ್ಯಾಂ.

1. ಪಳೆಯಾ ಹೊ ಮ್ಹಜೊ ಸೆವಕ್. ಹಾಂವ್ ತಾಕಾ ಸಾಂಬಾಳುನ್ ಧರ್ತಾ೦. ಹೊ ಮ್ಹಜೊ ವಿಂಚುನ್ ಕಾಡ್ಲಲೊ, ತಾಚೆಥಂಯ್ ಮ್ಹಜೊ ಅತ್ಮೊ ಸಂತೊಸ್ತಾ (ಪಯ್ಲೆಂ ವಾಚಪ್)

ಪಯ್ಲೆಂ: 1 ಸಾಮು 3:3b-10, 19; ದುಸ್ರೆಂ: 1 ಕೊರಿ 6:13ಛಿ-15ಚಿ, 17-20; ಶುಭ್‌ವಾರ್ತಾ : ಜುವಾಂವ್. 1:35-42

ವಿಶಯ್: ಯೆಯಾ ಆನಿ ಪಳೆಯಾ

ಜುವಾಂವ್ ಬಾವ್ತಿಸ್ ಆಪ್ಲ್ಯಾ ಜಿಣಿಯೆಚೊ ಧ್ಯೇಯ್ ಆನಿ ಉದ್ದೇಶ್ ಸ್ಪಷ್ಟ್ ಥರಾನ್ ಜಾಣಾ ಆಸ್‌ಲ್ಲೊ. ಅಪ್ಣಾಕ್ ದಿಲ್ಲೆಂ ಮಿಸಾಂವ್ ಕೆದಾಳಾಯಿ ತಾಚ್ಯಾ ಗಮಾನಾಂತ್ ಆಸ್‌ಲ್ಲೆಂ ಆನಿ ತಾಚೆ ಥಾವ್ನ್ ಕೆದಿಂಚ್ ತೊ ವೆಗ್ಳೊ ಸರೊಂಕ್ ನಾ. ಆಪ್ಲ್ಯಾ ಜೀವನಾಚ್ಯಾ ಉದ್ದೇಶಾಚಿ ಕೊಣಾಕ್ ಸ್ಪಷ್ಟತಾ ಆಸಾ ತಿಂ ಆಪ್ಲೆಂ ಜೀವನ್ ಅರ್ಥಾಭರಿತ್ ಕರುಂಕ್ ಯಾ ಸುಫಳ್ ಕರುಂಕ್ ಪಾಟಿಂ ಸರಾನಾಂತ್. ಕೊಣಾಕ್ ಆಪ್ಲ್ಯಾ ಜೀವನಾಂತ್ ಧ್ಯೇಯ್ ನಾ, ತಾಂಕಾಂ ಸಂಸಾರಿ ವೊಡ್ಣಿ, ಗ್ರೇಸ್ತ್‌ಕಾಯೆಕ್, ಅಧಿಕಾರಾಕ್ ಆನಿ ಸಂಸಾರಿ ಸ್ಥಾನ್‌ಮಾನಾಕ್ ಲಬ್ದಾಶೆಂ ಕರ್ತಾ. ಆಯ್ಚೆ ಸುವಾರ್ತೆಂತ್ ಆಮಿ ವಾಚ್ಚ್ಯಾಪರ್ಮಾಣೆ ಜುವಾಂವ್ ಬಾವ್ತಿಸ್ ಆನಿ ತಾಚೆ ದೋಗ್ ಜಣ್ ಶಿಸ್ ಉಬೆ ಆಸ್ಲೆ. ಉಬೆ ಆಸ್‌ಲ್ಲೆ ಮ್ಹಳ್ಯಾರ್ ತೆ ತಯಾರ್ ಆಸ್‌ಲ್ಲೆ. ತೆ ತಯಾರ್ ಆಸ್‌ಲ್ಲ್ಯಾನ್ ಜೆಜು ತ್ಯಾ ವೆಳಾರ್ ತೆಣೆ ಪಾಶಾರ್ ಜಾಂವ್ಚೊ ತಾಣಿ ಪಳೆಲೊ. ತೆದಾಳಾ ಜುವಾಂವ್ ಬಾವ್ತಿಸ್ ಜೆಜುಕ್ "ಪಳೆಯಾ ದೆವಾಚಿ ಶೆಳಿ" ಮ್ಹಣ್ ಸಾಂಗ್ತಾ. ತೊ ತಶೆಂ ಕಿತ್ಯಾಕ್ ಜೆಜುಕ್ ದಾಕವ್ನ್ ಸಾಂಗ್ತಾ? ಪಾಸ್ಕಾಚ್ಯಾ ದಿಸಾ ಹರ್ಯೆಕ್ ಜುದೆವ್ ಕುಟಾಮ್ ಏಕ್ ಶೆಳಿ ಮಾರ್ನ್ ತಾಚೆಂ ರಗಾತ್ ಆಪ್ಲ್ಯಾ ಘರ್ಚ್ಯಾ ದಾರ್ವಟ್ಯಾಕ್ ಸಾರಯ್ತೆಲೆ, ಜಾವ್ನ್ ಸಂಕೇತ್ ಇಸ್ರಾಯೆಲ್ ಪರ್ಜೆಚಿ ಸುಟ್ಕಾ. ತ್ಯಾ ದಿಸಾ ಹರ್ಯೆಕ್ ಜುದೆವ್ ಇಜಾಯಿಯಾ ಪ್ರವಾದ್ಯಾಚಿ ಪ್ರೊಫೆಸಿ (ಇಸಾ. 53:7) ನಿಯಾಳ್ ಕರ್ತಾಲೆ. ತಿ ಪ್ರೊಫೆಸಿ ಸಾಂಗ್ತಾ ತಾಕಾ ನಿಶ್ಟುರಾಯೆನ್ ಚಲಯ್ಲೆಂ ತರೀ ತೊ ಖಾಲ್ತೊ ಜಾಲೊ, ತಾಣೆಂ ಆಪ್ಲೆಂ ತೊಂಡ್ ಉಗಡ್ಲೆಂ ನಾ!! ನವ್ಯಾ ಸೊಲ್ಲ್ಯಾಚಿ ಶೆಳಿ ಜಾವ್ನಾಸಾ ಜೆಜು. ತಾಣೆ ತಾಚ್ಯಾ ರಗ್ತಾನ್ ಆಮ್ಚಿ ಸೊಡ್ವಣ್ ಕೆಲ್ಯಾ.