ದೈವಿಕ್ ಸ೦ದೇಶ್

ಥೆಸ್ಸಾಲೊನಿಕಾಗಾರಾಂಕ್ ತಾಣಿ ನವ್ಯಾನ್ ಸ್ವೀಕಾರ್ ಕೆಲ್ಲೊ ಕ್ರೀಸ್ತಾಂವ್ ಭಾವಾಡ್ತ್ ಶಾಂತಿ ಸಮಾಧಾನೆಚೊ ಜಾಂವ್ಚ್ಯಾ ಬದ್ಲಾಕ್ ತಾಂಕಾಂ ಕಶ್ಟಾಂಚೊ ಜಾಲೊ. ತಾಂಚೆರ್ ವಿವಿಧ್ ಥರಾಂಚಿ ಅನ್ವಾರಾಂ ಆನಿ ದಗ್ದೊವ್ಣಿ ಆಯ್ಲಿಂ. ತರೀ ತಾಂಚೆ ಬಳ್ ಜಾಂವ್ಕ್ ಪಾವ್ಲೆಂ ಸಾಂ. ಪಾವ್ಲಾನ್, ಸಿಲಾಸಾನ್ ಆನಿ ತಿಮೊಥಿನ್ ಪರ್ಗಟ್ ಕೆಲ್ಲೆಂ ದೆವಾಚೆಂ ಉತರ್. ದೆವಾಚೆಂ ಉತಾರ್ ಮನ್ಶಾಂ ಮುಕಾಂತ್ರ್ ತಾಂಕಾ ಮೆಳ್ಳೆಂ ತರೀ ತಾಂಣಿ ತೆಂ ಮನ್ಶಾಚೆಂ ಉತರ್ ನಹಿಂ ಬಗಾರ್ ದೆವಾಚೆಂ ಉತರ್‌ಚ್ ಮ್ಹಣ್ ಮಾನುನ್ ಘೆತ್ಲೆಂ. ದೆಕುನ್ ಸಾಂ. ಪಾವ್ಲ್ ತಾಂಕಾಂ ಬರಯ್ತಾ, "ದೆವಾಕ್ ಖಳನಾಸ್ತಾನಾ ಅರ್ಗಾಂ ದೀಂವ್ಕ್ ಅನ್ಯೇಕ್ ಕಾರಣ್ ಆಮ್ಕಾಂ ಆಸಾ. ಆಮ್ಚೆ ಥಾವ್ನ್ ದೆವಾಚಿ ಸುವಾರ್ತಾ ತುಮಿ ಆಯ್ಕಾಲ್ಲ್ಯಾ ವೆಳಾರ್ ಮನ್ಶಾಂಚೆಂ ಉತರ್ ಕಶೆಂ ತುಮಿ ತಿ ಮಾನುನ್ ಘೆಂವ್ಕ್ ನಾ, ಬಗಾರ್ ದೆವಾಚೆಂ ಉತರ್ ಕಶೆಂ; ತರ್ ತೆಂ ಖರೆಂಚ್ ತಾಚೆಂ ಆನಿ ತೊಚ್ ತುಮ್ಕಾಂ ಭಾವಾರ್ಥ್ಯಾಂ ಮಧೆಂ ಆಪ್ಲೊ ವಾವ್ರ್ ಚಲಯ್ತಾ" (1 ಥೆಸ್ಸಾ. 2:13). ದೇವ್ ಸದಾಂಚ್ ತಾಚೆಂ ಉತರ್ ಪರ್ಗಟ್ ಕರುಂಕ್ ಬರ್‍ಯಾ ಮನಾಚ್ಯಾ ಮನ್ಶಾಂಕ್ ವಿಂಚ್ತಾ. ಜರ್ತರ್ ಭಾವಾಡ್ತಿ ದೆವಾಚೆಂ ಉತರ್ ಪೆಲ್ಯಾಲಾಗಿಂ ವಾಂಟುನ್ ಘೆಂವ್ಕ್ ಇನ್ಕಾರ್ ಕರ್ತಾತ್ ದೆವಾಚೆಂ ಉತರ್ ತಾಚೆ ಖುಶೆ ಪರ್ಮಾಣೆ ಸಕ್ಡಾಂಕ್ ಪಾವನಾ. ಹ್ಯಾಚ್ ಖಾತಿರ್ ದೆವಾಚೆಂ ಉತರ್ ಆಮಿ ಸದಾಂಚ್ ಆಮ್ಚ್ಯಾ ಬರ್‍ಯಾ ಉತ್ರಾಂನಿ, ಬರ್‍ಯಾ ಕರ್ನ್ಯಾಂನಿ ಆಮ್ಚ್ಯಾ ಭೊಂವಾರಿಂ ಪ್ರಸಾರುಂಕ್ ಜಾಯ್.

ಆಮ್ಚ್ಯಾ ಫಿರ್ಗಜೆಂನಿ, ಆನಿ ಸಂಸ್ಥ್ಯಾಂನಿ ಏಕ್ ಗೊವ್ಳಿಕ್ ವಾವ್ರಾಚೆಂ ಯೋಜನ್ ಆಸ್ತಾ. ಹೆಂ ಯೋಜನ್ ಎಕಾ ವರ್ಸಾ ಭಿತರ್ ಯಾ ಏಕಾ ಆವ್ದೆ ಭಿತರ್ ಆಮಿ ಚಲವ್ನ್ ವ್ಹರುಂಕ್ ಆಸಾತ್ ತಿಂ ಕಾರ್ಯಕ್ರಮಾಂ ಆಟಾಪುನ್ ಆಸ್ತಾ. ಕಸಲ್ಯೊ ತರ್ಭೆತ್ಯೊ ದೀಂವ್ಕ್ ಆಸಾತ್, ಕಿತ್ಲಿಂ ಶಿಬಿರಾಂ ಚಲವ್ನ್ ವ್ಹರುಂಕ್ ಆಸಾತ್, ಘರಾಂಚಿ, ವ ಸಂಘ್ ಸಂಸ್ಥ್ಯಾಚ್ಯೊ ಭೆಟೊ, ಘರ್ ಬೆಜ್ಮೆಂತ್, ಫಿರ್ಗಜೆಚೊ, ಇಸ್ಕೊಲಾಚೊ ವ ಸಂಸ್ತ್ಯಾಂಚೊ ದೀಸ್ ಖೆಳ್ ಪಂದ್ಯಾಟ್ ಆನಿ ಹೆರ್ ಪ್ರತಿಭಾ ಪ್ರದರ್ಶನಾಚಿ ವ ವಾಡಾವಳೆಚಿಂ ಕಾರ್ಯಕ್ರಮಾಂ ತಶೆಂಚ್ ರೆತಿರ್, ಪಿಕ್ನಿಕ್, ವ್ಹಡ್ಲಿಂ ಫೆಸ್ತಾಂ. ವ್ಹಡ್ ಸಂಭ್ರಮ್ ಫಿರ್ಗಜೆಂತ್ ಪಯ್ಲೊ ಕುಮ್ಗಾರ್, ಕ್ರೀಜ್ಮ್, ಬಿಸ್ಪಾಚಿ ಗೊವ್ಳಿಕ್ ಭೆಟ್, ಕುಮ್ಸಾರಾಂ... ತಶೆಂಚ್ ಹೆರ್ ಸಂಘ್ ಸಂಸ್ಥ್ಯಾಂಚಿ ಕಾರ್ಯಕ್ರಮಾಂ... ಆನಿ ಸಬಾರ್ ಥರಾಂಚೆ "ಫಂಡ್ ರೈಜಿಂಗ್" (ಪಯ್ಶೆ ಜಮೊ ಕರ್ಚಿ೦) ಯೋಜನಾಂ. ಸರ್ವ್ ಹಿಂ ಕಾರ್ಯಕ್ರಮಾಂ, ಹೊ ವಾವ್ರ್ ಎಕಾ ಫಿರ್ಗಜೆಂತ್ ಆಸ್ಚ್ಯಾ ಯಾಜಕಾಂಚೆರ್, ಧಾರ್ಮಿಕ್ ಭಯ್ಣಿಂ ತಶೆಂಚ್ ಕೌನ್ಸಿಲಾಂತ್ ಆಸ್ಚ್ಯಾ ಗೊವ್ಳಿಕ್ ಮಂಡಳಿಚ್ಯಾ ಸಾಂದ್ಯಾಂಚೆರ್... ವ ಹೆರ್ ಸಂಘ್ ಸಂಸ್ಥ್ಯಾಚ್ಯಾ ಸಾಂದ್ಯಾಂಚೆರ್. ಜರ್ ಹೆ ಸರ್ವ್ ಉಮೆದ್ವಂತ್, ಕಾರ್‍ಯಾಳ್, ಮೊಗಾಳ್, ಸೆವೆಚ್ಯಾ ಮನೋಭಾವಾಚೆ - ಬರ್‍ಯಾ ಮನಾಚೆ, ಸಮ್ಜೊಣೆಚೆ, ಸಮರ್ಪಿತ್ ಮನೋಭಾವಾಚೆರ್ ಫಿರ್ಗಜ್ ವ ಖಂಚೊಯ್ ಸಂಸ್ತೊ ವ ಏಕ್ ಇಸ್ಕೊಲ್ ಖಂಡಿತ್ ಜಾವ್ನ್ ಜಿವಾಳ್ ಜಾವ್ನ್ ಆಸ್ತೆಲೆಂ. ಥಂಯ್ ಖರಿ ವಾಡಾವಳ್ ಪಳೆಂವ್ಕ್ ಮೆಳ್ತೆಲಿ. ನಾಂ ತರ್ ಫಿರ್ಗಜ್ ವಾ ಸಂಸ್ಥೊ ಸವ್ಕಾಸ್ ಮರೊನ್ ಯೆತೆಲಿ... ಏಕ್ ಯೋಜನ್ ವ ಕಾರ್ಯಕ್ರಮ್ ಪೊಂತಾಕ್ ಪಾವಾಜೆ ತರ್ ಸರ್ವಾಂನಿ ತ್ಯಾ ಧ್ಯೇಯಾ ಕುಶಿನ್ ಕಾರ್ಯಾಳ್ ಆನಿ ಸಮರ್ಪಿತ್ ಮನೋಭಾವಾನ್ ಚಮ್ಕಾಜೆ.

1. "ಸರ್ವೆಸ್ಪರಾಕ್ ತೊ ಮೊಗಾಳ್, ಸುರಕ್ಷಿತ್ ತೊ ರಾವುಂ, ದಿಸಾನ್‌ದೀಸ್ ಮಹೋನ್ನತ್ ತಾಕಾ ರಾಕ್ತಾ, ತಾಚ್ಯಾ ಭುಜಾಂ ಮದೆಂ ತೊ ವಸ್ತಿ ಕರ್ತಾ" (ದ್ವಿತಿನಿಯಮ್. 33:12)

2. "ಕಿತ್ಯಾಕ್ ಸರ್ವೆಸ್ಪರ್ ತುಜೊ ಆಸ್ರೊ, ಪರಮೋನ್ನತ್ ದೆವಾಕ್ ತುವೆಂ ತುಜೆಂ ಕೊಟೆಂ ಕರುನ್ ಘೆತ್ಲಾಯ್. ಕಸಲೆಂಚ್ ವಾಯ್ಟ್ ತುಜೆರ್ ಯೆಂವ್ಚೆಂ ನಾ, ಮಾರಿಚಿ ಪಿಡಾ ತುಜ್ಯಾ ತಂಬಾ ಸರ್ಶಿಂ ಪಾಂವ್ಚಿ ನಾ" (ಕೀರ್ತನಾಂ. 91:9-10)

I. ದ್ವಿತಿನಿಯಮ್. 18:15-20; II. 1 ಕೊರಿಂಥ್. 7:32-35; ವಾಂಜೆಲ್: ಮಾರ್ಕ್. 1:21-28

ವಿಷಯ್: ದೇವ್ ಪ್ರವಾದ್ಯಾಂ ಮುಖಾಂತ್ರ್ ಉಲಯ್ತಾ.

ಪವಿತ್ರ್ ಪುಸ್ತಕಾಂತ್ ದೆವಾಚೆಂ ಉತರ್ ಆಮ್ಕಾಂ ಅಶೆಂ ಸಾಂಗ್ತಾ, "ಆದಿಂಮಾಗಾಂ ಪರ್ತ್ಯಾನ್ ಪರ್ತ್ಯಾನ್ ಆನಿ ಸಬಾರ್ ಥರಾಂನಿ ಪ್ರವಾದ್ಯಾಂ ಮುಖಾಂತ್ರ್ ದೇವ್ ಆಮ್ಚ್ಯಾ ಪುರ್ವಜಾಂಲಾಗಿಂ ಉಲಯ್ಲೊ; ಪುಣ್ ಹ್ಯಾ ಶೆವಟಿಂಚ್ಯಾ ಕಾಳಾರ್ ಆಪ್ಲ್ಯಾ ಪುತಾ ಮಾರಿಫಾತ್ ತೊ ಆಮ್ಚೆಲಾಗಿಂ ಉಲಯ್ಲಾ. ಹಾಕಾ ತಾಣೆಂ ಸಕ್ಟಾಂಚೊ ವಾರಿಸ್ದಾರ್ ನೆಮ್ಲಾ; ಹಾಚೇಚ್ ಮಾರಿಫತ್ ತಾಣೆಂ ಪಯ್ಲೆಂ ಸಗ್ಳಿ ಸೃಷ್ಟಿ ರಚ್‌ಲ್ಲಿ." (ಹೆಬ್ರೆವಾಂಕ್ ಪತ್ರ್. 1:1-2). ದೆವಾನ್ ವಿಂಚುನ್ ಕಾಡ್‌ಲ್ಲ್ಯಾ ಮುಖಾಂತ್ರ್ ದೇವ್ ಆಮ್ಚೆಕಡೆ ಉಲಯ್ತಾಸ್ತಾನಾ, ತಾಂಕಾ ತಾಚೆ ಸಕ್ತೆನ್ ತೊ ಭರ್ತಾ ಆನಿ ತೆ ವ್ಹಡಾ ಅಧಿಕಾರಾನ್ ಆನಿ ಸಕ್ತೆನ್ ದೆವಾ ಖಾತಿರ್ ಉಲೊಂವ್ಕ್ ಸಕ್ತಾತ್.

ಜೊಬ್: 7:1-4, 6-7; 1 ಕೊರಿಂಥ್: 9:16-19, 22-23; ಮಾರ್ಕ್: 1:29-39

ಆಮಿ ಏಕ್ ಪಾವ್ಟಿಂ 'ಹನುಮಾನ್‌ಗುಂಡಿ' ಮ್ಹಳ್ಳ್ಯಾ ಜಾಗ್ಯಾಕ್ ಗೆಲ್ಲ್ಯಾಂವ್. ಥಂಯ್ಸರ್ ಗೂಂಡ್ ಖಣಿ ಆಸಾ. ತ್ಯಾ ಖಂದ್ಕಾಂತ್ ದೆಂವ್ತಾನಾ, ಜಾಯ್ತೆ ಪ್ರತಿಧ್ವನಿ ಜಾಂವ್ಚೆ ಜಾಗೆ ಆಸಾತ್. ಆಮಿ ಕೆಲ್ಲೊ ಆವಾಜ್ ಸಾತ್ ಪಾವ್ಟಿಂ ಪ್ರತಿಧ್ವನಿ ಜಾವ್ನ್ ಆಯ್ಕಾತಾ. ಎಕ್ಲೊ ತರ್ನಾಟೊ ಬಾಪ್‌ಯಿ ಆಪ್ಲ್ಯಾ ಚಾರ್ ವರ್ಸಾ೦ಚ್ಯಾ ಚೆರ್ಕ್ಯಾಕ್ ಖಾಂದ್ಯಾರ್ ಉಕಲ್ನ್ ಕಾಣ್ಘೆವ್ನ್ ವ್ಹಡಾ ಹುಮೆದಿನ್ ಬೋಬ್ ಮಾರ್‍ತಾಲೊ: "ಮ್ಹಜೊ ಚಿನ್ನು ವ್ಹಡ್ಲೊ ಜಾತಾಲೊ! ಮ್ಹಜೊ ಪೂತ್ ಮಹಾನ್ ಜಾತಾಲೊ!" ಹಿಂ ಉತ್ರಾಂ ಸಾತ್ ಪಾವ್ಟಿಂ ತ್ಯಾ ಖಂದ್ಕಾಂತ್ ಪರ್ತುನ್ ಪರ್ತುನ್ ಆಯ್ಕಾತಾನಾ, ಮ್ಹಜ್ಯಾ ಕುಡಿಂತ್ ಏಕ್ ವಿಶೇಷ್ ಖುಶಾಲಾಯಿ ಅನ್ಭೋಗ್ ಜಾಲಿ. ಮ್ಹಾಕಾ ಮ್ಹಜ್ಯಾ ಸೊಮ್ಯಾಚಿಂ ಉತ್ರಾಂ ಉಗ್ಡಾಸ್ ಆಯ್ಲಿಂ. "ತುಜ್ಯಾ ಫುಡಾರಾ ವಿಶಾಂತ್ ಹಾಂವೆಂ ಕೆಲ್ಲ್ಯೊ ತ್ಯೊ ಯೆವ್ಜೆಣ್ಯೊ ಹಾಂವ್ ಜಾಣಾಂ, ತುಜ್ಯಾ ಬರ್‍ಯಾ ಫಾಲ್ಯಾ ಖಾತಿರ್ ನ್ಹಯ್ ತುಜೆ ಖ್ಯಾಸ್ತೆ ಪಾಸತ್." (ಜೆರೆಮಿಯಾ. 29:11) ದೆವಾಕ್ ಆಮ್ಚೆ ವಿಶ್ಯಾಂತ್ ಆಮ್ಚೆ ಆವಯ್-ಬಾಪಾಯ್ ವರ್ನಿ ಚಡ್ ಹುಸ್ಕೊ, ಜತನ್ ಆನಿ ಮೋಗ್ ಆಸಾ.

ಲೆವಿ: 13:1-2, 42-46; 1 ಕೊರಿ 10:30-11:1 ಮಾರ್ಕ್. 1:40-45

ವಿಶಯ್: ಪಾತ್ಕಾಚ್ಯಾ ಕೊಡಾಚೆ ಪಿಡೆ ಥಾವ್ನ್ ಸುಟ್ಕಾ

ಪ್ರಾಚೀನ್ ಕಾಳಾರ್ ಕೊಡಾಚಿ ಪಿಡಾ ಏಕ್ ಭಯಂಕರ್ ಪಿಡಾ ಜಾವ್ನಾಸ್‌ಲ್ಲಿ. ಕೊಡ್ಕಾರ್ ಏಕ್ ಅಶುದ್ಧ್ ವ್ಯಕ್ತಿ ಜಾವ್ನಾಸ್‌ಲ್ಲೊ. ಕೊಡಾಚೆ ಪಿಡೆಕ್ ಕಾರಣ್ ತ್ಯಾ ಮನ್ಶಾಚೆಂ ಮಹಾಂ ಪಾತಾಕ್ ಮ್ಹಣ್ ತೆ ಚಿಂತ್ತಾಲೆ. ಸರ್ವ್ ರಿತಿಚ್ಯಾ ಕಾತಿಚೆ ಪಿಡೆಕ್ ಪಾತ್ಕಾಚೊ ಪರಿಣಾಮ್ ಮ್ಹಣ್ ತಾಂಚಿ ಪಾತ್ಯೆಣಿ ಜಾವ್ನಾಸ್‌ಲ್ಲಿ. ಎಕಾ ಕೊಡ್ಕಾರಾಕ್ ತಾಚ್ಯಾ ಕುಟ್ಮಾ ಥಾವ್ನ್ ಆನಿ ಸಮಾಜಿ ಥಾವ್ನ್, ಸಕ್ಕಡ್ ಮನ್ಶಾಂ ಥಾವ್ನ್ ಪಯ್ಸ್ ರಾವೊಂಕ್ ಆಸ್‌ಲ್ಲೆಂ. ಆನಿ ಪಿಡೆಚೆಂ ಸಂಕೇತ್ ಜಾವ್ನ್ ತಾಂಣಿ ಪಿಂಜ್‌ಲ್ಲೆಂ ಉಸ್ತುರ್ ಘಾಲುಂಕ್ ಆಸ್‌ಲ್ಲೆಂ ಆನಿ ಕೇಸ್ ಉಗೊಂವ್ಕ್ ನಾತ್‌ಲ್ಲೆಂ. ತಸಲ್ಯಾಂಕ್ ಜೀವನ್ ನಿರಂತರ್ ದುಃಖಾಚೆಂ ಜಾಲ್ಲೆಂ. ತಸಲೆ ಪಿಡೆಕ್ ಒಕಾತ್ ನಾತ್‌ಲ್ಲೆಂ. ಆಜ್ ಆಮಿ ವಾಚ್ಚಾ ವಾಂಜೆಲಾಂತ್ಲೊ ಕೊಡ್ಕಾರ್ ಎಕ್ದಮ್ ನಿರಾಶಿ ಜಾಲ್ಲೊ ಕೀ ಜೆಜುಕ್ ಮೆಳ್ಚೆ ಆಶೆನ್ ಸಮಾಜಿಚಿ ದಸ್ತುರ್ ಆನಿ ನಿಯಮಾ ವಿಸ್ರೊನ್ ಜೆಜುಕ್ ಮೆಳೊಂಕ್ ಆಯಿಲ್ಲೊ. ಸಮಾಜಿನ್ ಪಯ್ಸ್ ಕೆಲ್ಲ್ಯಾ ಕೊಡ್ಕಾರಾಕ್ ಅಪಡ್ನ್ ಬೊರೆಂ ಕರ್ನ್ ಜೆಜು ಸೊಡ್ವಣ್ದಾರ್ ಮ್ಹಣ್ ರುಜು ಕರ್ತಾ. ಮನ್ಶಾಚ್ಯಾ ಕಷ್ಟಾಂ ಥಂಯ್, ತಾಚ್ಯಾ ಅಸಹಾಯಕತೆ ಥಂಯ್ ತೊ ದಯಾ ಆನಿ ಕಾಕುಳ್ತ್ ದಾಕಯ್ತಾ, ಮನ್ಶಾಂಚಿ ಪಾತ್ಕಾಂ ಭೊಗ್ಸುಂಚಿ ತಾಕಾ ಸಂಪೂರ್ಣ್ ನಿತಳ್ ಕರುಂಕ್ ಅಧಿಕಾರ್ ಆಸ್‌ಲ್ಲೊ ದೆವಾಚೊ ಪೂತ್ ತೊ, ಆನಿ ತೊ ಸಮಾಜಿಂತ್ಲ್ಯಾ ಸರ್ವ್ ಕಾಯ್ದ್ಯಾಂಚಾಕೀ ಊಂಚ್. ತೊ ಅಪೊಡುಂಕ್ ನಜೊ ಜಾಲ್ಲ್ಯಾ ಕೊಡ್ಕಾರಾಕ್ ಅಪಡ್ತಾ ಆನಿ ಗೂಣ್ ಕರ್ತಾ.

ಪಯ್ಲೆಂ: ಇಸಾ. 43:18-19, 21-22, 24(b)-25 ದುಸ್ರೆಂ: 2 ಕೊರಿಂ. 1:18-22 ಶುಭ್‌ವಾರ್‍ತಾ: ಮಾರ್ಕ್. 2:1-12

ವಿಶಯ್: ದೆವಾಚೆಂ ಭಗ್ಸಾಣೆಂ ಜೊಡುನ್ ಜಿವಿತ್ ಅಪ್ಣಾವ್ಯಾಂ.

ಇಂಗ್ಲಿಷಾಂತ್ ಏಕ್ ಸಾಂಗ್ಣಿ ಆಸಾ - ಪಾತಕ್ ಕರ್ಚೆ೦ ಮನ್ಶಾ ಸಂಯ್ಚ್ ಪುಣ್ ಭಗ್ಸುಂಚೆಂ ದೈವಿಕ್ ಗೂಣ್. (To err is human, to forgive is divine) ದೆವಾನ್ ಆಮ್ಚ್ಯಾ ಜಿವಿತಾಂತ್ ಕರ್‍ಚೆಂ ಏಕ್ ವರ್ತೆಂ ಅಜಾಪ್ ಜಾವ್ನಾಸಾ ಆಮ್ಚ್ಯಾ ಪಾತ್ಕಾಚೆಂ ಭಗ್ಸಾಣೆಂ. ಆಯ್ಚಿಂ ವಾಚ್ಪಾಂ ಹೆಂಚ್ ಸತ್ ಆಮ್ಚೆ ಮುಖಾರ್ ದವರ್ತಾತ್ ಆನಿ ಭಗ್ಸಾಣ್ಯಾ ಮಾರಿಫಾತ್ ಜಿವಿತ್ ಜೊಡುಂಕ್ ಆಪವ್ಲೆಂ ದಿತಾತ್.

ಫೆಬ್ರವರಿ ಮಹಿನೊ ತರ್ನಾಟ್ಯಾಂ ಮಧೆಂ ವರ್ತೊ ಸಂತೊಸ್ ಹಾಡ್ತಾ. ಪ್ರತ್ಯೇಕ್ ಥರಾನ್ ಚೆಡೆ/ಚೆಡ್ವಾಂ 14 ತಾರಿಕೆರ್ ಎಕಾಮೆಕಾ ತಾಂಚಾ ಮೊಗಾಚಿ ಭೊಗ್ಣಾಂ ಉಗ್ತ್ಯಾನ್ ಉಚಾರ್ತಾತ್. ಆಯ್ಚ್ಯಾ ಹ್ಯಾ ಸಂಸಾರಾಂತ್ ಹೊ ಮೋಗ್ ತಾಂಚೆ ಥೈಂ ಮಾತ್ರ್ ಚಡ್ ಮಾಫಾನ್ ಪಳೆಂವ್ಕ್ ಮೆಳ್ತಾ.

ಎಕಾ ಕಾಳಾರ್ ಎಕ್ಲೊ ವ್ಯಕ್ತಿ ಅಪ್ಣಾಚೆಂ ಘರ್ ಅನ್ಯೇಕಾ ಜಾಗ್ಯಾರ್ ಬದ್ಲಿ ಕರ್ತಲೊ. ಘರಾಂತ್ಲೊ ಸಗ್ಳೊ ಸಾಮಾನ್ ಭಾಯ್ರ್ ಕಾಡ್ತಾನಾ ತಾಕಾ ವೊರೊಂಕ್ ಜಾಯ್ ಆಸ್‌ಲ್ಲಿ ಏಕ್ ರುಕಾಚಿ ಆಲ್ಮಾರ್ ತಾಣೆಂ ಪಳೆಲಿ. ತ್ಯಾ ಆಲ್ಮಾರಿಚೆ ದುಸ್ರೆ ಸಾಂದೆ ತೊ ನಿಕ್ಳಾಯ್ತಾನಾ ಎಕಾ ಪಾಲಿಚೊ ಪಾಯ್ ತ್ಯಾ ಆಲ್ಮಾರಿಕ್ ಖಿಳಾಯ್ಲೊ ತಾಣೆಂ ಪಳೈಯ್ಲೆಂ. ಧಾ ವರ್ಸಾಂ ಪಯ್ಲೆಂಚ್ ಹಿ ಆಲ್ಮಾರ್ ತಯಾರ್ ಕೆಲ್ಲ್ಯಾ ಮ್ಹನ್ಶಾಕ್ ಹಿ ಪಾಲ್ ಕಸಲೆಂಚ್ ಖಾಣ್ ನಾಸ್ತಾನಾ ಜಿವಂತ್ ಆಸ್‌ಲ್ಲಿ ಪಳೆವ್ನ್ ವಿಜ್ಮಿತ್ ಜಾಲೆಂ. ತಾಕಾ ಹೊ ಏಕ್ ಮಿಸ್ತೆರ್‌ಚ್ಚ್ ಜಾಲೊ. ಅಶೆಂ ತೊ ಅಜಾಪ್ ಜಾವ್ನ್ ತ್ಯಾ ಪಾಲಿಕ್ ಪಳೆವ್ನ್೦ಚ್ ಆಸ್ತಾನಾ ಅನ್ಯೇಕ್ ಪಾಲ್ ತೊಂಡಾಂತ್ ಖಾಣ್ ಹಾಡ್ನ್ ತ್ಯಾ ಖಿಳೈಲ್ಯಾ ಪಾಲಿಕ್ ಖಾವೊಂವ್ಚೆಂ ತಾಣೆಂ ಪಳೆಲೆಂ. 10 ವರ್ಸಾಂ ಖಿಳಾಯ್ಲ್ಯಾ ಪಾಲಿಕ್ ಅನ್ಯೇಕಾ ಪಾಲಿನ್ ಖಾಣ್ ದೀಂವ್ನ್ ಜಿವಂತ್ ದವರ್‌ಲ್ಲೆಂ ಪಳೆವ್ನ್ ತ್ಯಾ ಮನ್ಶಾಚೆಂ ಕಾಳಿಜ್ ಮೊವಾಳ್ಳೆಂ.

ಪವಿತ್ರ್ ಪುಸ್ತಕ್ ಆಮ್ಕಾಂ ಸಾಂಗ್ತಾ "ಸರ್ವೆಸ್ಪರ್ ಬರೊ, ಸಾಸ್ಣಾಕ್ ತಗ್ತಾ ತಾಚೊ ಮೋಗ್, ಸಂತತಿಚೆ ಸಂತತಿ ಪರ್ಯಾಂತ್ ತಾಚೆಂ ವಿಶ್ವಾಸಿಪಣ್" (ಕೀರ್ತನಾಂ. 100:5). "ತುಜೊ ಮೋಗ್ ಮಳ್ಬಾ ಪರ್ಯಾಂತ್ ಪಾವ್ತಾ, ಆನಿ ಕುಪಾಂ ಪರ್ಯಾಂತ್ ತುಜೆಂ ವಿಶ್ವಾಸಿಪಣ್" (ಕೀರ್ತನಾಂ. 108:4). "ಕಿತ್ಲೊ ಅಮೊಲಿಕ್! ದೆವಾ, ತುಜೊ ಮೋಗ್! ತುಜಾ ಪಾಕಾಟ್ಯಾಂಚೆ ಸಾವ್ಳೆಂತ್ ಆದಾಂವ್ಚಿಂ ಭುರ್ಗಿಂ ಆಸ್ರೊ ಘೆತಾತ್" (ಕಿರ್ತನಾಂ. 36:7).

"ಭಾವಾರ್ಥ್ ಮ್ಹಳ್ಯಾರ್ ಆಮಿ ಭರ್ವಸುನ್ ಆಸಾಂವ್ ತ್ಯಾ ಸಂಗ್ತಿಂಚೊ ಥಾರೊ ಆನಿ ಆಮ್ಕಾಂ ದಿಸನಾತ್ ತ್ಯಾ ಸಂಗ್ತಿಂ ವಿಶ್ಯಾಂತ್ ಆಮ್ಕಾಂ ಆಸಾ ತಿ ಖಾತ್ರಿ. ಭಾವಾರ್ಥಾ ವರ್ವಿಂ ಆಮ್ಚೆ ಪುರ್ವಜ್ ದೆವಾಕ್ ಮಾನ್ವಲ್ಲೆ." (ಹಿಬ್ರೆವ್. 11:1)

ದೆವಾನ್ ಆಪ್ಲ್ಯಾ ಉತ್ರಾಂ ವರ್ವಿಂ ಹಿ ಪೃಥ್ವಿ ರಚ್ಲಿ, ಆನಿ ಆಮ್ಕಾಂ ದಿಷ್ಟಿ ಪಡ್ತಾ ತೆಂ ಸಗ್ಳೆಂ ದಿಷ್ಟಿ ಪಡನಾಸ್ಲಲ್ಯಾ ಥಾವ್ನ್ ಉಬ್ಜಲಾಂ ಮ್ಹಳ್ಳೆಂ ಸತ್ ಭಾವಾರ್ಥಾ ವರ್ವಿಂಚ್ ಆಮಿ ಸಮ್ಜತಾಂವ್.