ದೈವಿಕ್ ಸ೦ದೇಶ್

ಪಯ್ಲೆಂ: 2 ಇತಿಹಾಸ್ 36:14-16, 19-23, ದುಸ್ರೆಂ: ಎಫೆಜ್. 2:4-10 ಶುಭ್‌ವಾರ್ತಾ: ಜುವಾಂವ್. 3:14-21

ವಿಶಯ್: ಜೆಜುಚೊ ಖುರಿಸ್ - ವಾಟ್ ಜಯ್ತಾಚಿ, ಸೊಡ್ವಣೆಚಿ ಆನಿ ಸುಟ್ಕೆಚಿ.

"ಅಬ್ಳೆ ರುಕಾಡ್ ಖುರ್ಸಾಚೆಂ, ತಾಚೆರ್ ಉಮ್ಕಾಳ್ಳಲೊ ಸಂಸಾರಾಚೊ ಸೊಡ್ವಣ್ದಾರ್" - ಹಿಂ ಉತ್ರಾಂ ಯಾಜಕ್ ಉದ್ಗಾರ್‍ತಾ ನಿಮಾಣ್ಯಾ ಸುಕ್ರಾರಾ ಪವಿತ್ರ್ ಖುರ್ಸಾರ್ ನಮಾನ್ ಕರುಂಕ್ ದೇವ್-ಪರ್ಜೆಕ್ ಉಲೊ ದಿತಾಸ್ತಾನಾ. ದೆವಾನ್ ಆಪ್ಲ್ಯಾ ಎಕ್ಲ್ಯಾಚ್ ಪುತಾಕ್ ಆಮ್ಚೆ ಸೊಡ್ವಣೆಖಾತಿರ್ ಖುರ್ಸಾರ್ ಭೆಟಯಿಲ್ಲೆಂ (ಜು. 3:16) ತೆಂ ಘಡಿತ್ ಆಮ್ಚ್ಯಾ ದೊಳ್ಯಾಂ ಮುಕಾರ್ ದವರುನ್ ಆಮಿ ಖುರ್ಸಾಕ್ ಮಾನ್ ಕರ್ತಾ೦ವ್ - ಒಳ್ಕೊನ್ ಘೆವ್ನ್ ಸೊಮ್ಯಾಚೊ ಖುರಿಸ್ ಜಾವ್ನಾಸಾ ಮ್ಹಣ್ ಘುರ್ತ್ ಜಯ್ತಾಚೊ, ಸೊಡ್ವಣೆಚೊ ಆನಿ ಸುಟ್ಕೆಚೊ. ಪ್ರಾಚಿತ್ ಕಾಳಾಚ್ಯಾ ಹ್ಯಾ ಚವ್ತ್ಯಾ ಆಯ್ತಾರಾಚಿ ದೇವ್‌ಸ್ತುತಿ ಪರತ್ ಸೊಮ್ಯಾಚ್ಯಾ ಖುರ್ಸಾಚೆರ್ ನವ್ಯಾನ್ 'ನದರ್' ಲಾಂವ್ಕ್ ಆನಿ ತ್ಯಾ ಖುರ್ಸಾಚೆರ್ ಘಡ್‌ಲ್ಲೆಂ ವರ್ತೆ೦ ಆಜಾಪ್ ಸಮ್ಜೊನ್ ಘೆಂವ್ಕ್ ಆಮ್ಕಾಂ ಆಪವ್ಣೆಂ ದಿತಾ. ಕಸಲೆಂ ಆಜಾಪ್ ತೆಂ?

ಪಯ್ಲೆಂ: ಜೆರೆ. 31:31-34, ದುಸ್ರೆಂ: 5:7-9, ಜುವಾಂವ್. 12:20-33)

ವಿಶಯ್: ಗೊಂವಾಚೊ ಕಣ್ ಮೆಲ್ಲ್ಯಾಖರಿತ್ ಫಳ್ ದೀನಾ.

ಆನಿ ದೋನ್ ಹಫ್ತ್ಯಾಂ ಉಪ್ರಾಂತ್ ಆಮಿ ಜೆಜುನ್ ಮರ್‍ಣಾಚೆರ್, ಪಾತ್ಕಾಚೆರ್ ಆನಿ ಸೈತಾನಾಚೆರ್ ಜಯ್ತ್ ಜೊಡ್‌ಲ್ಲೆಂ ಫೆಸ್ತ್ ಆಚರಣ್ ಕರ್ತಾ೦ವ್. ಆಯ್ಚ್ಯಾ ಲಿತುರ್ಜಿ ವೆಳಾರ್ ಆಮಿ ಜೆಜುನ್ ಜೆರುಜಲೆಮಾಂತ್ ಜಯ್ತೆವಂತ್ ಪ್ರವೇಶ್ ಕೆಲ್ಲ್ಯಾ ಉಪ್ರಾಂತ್ಲೊ ವಿಶಯ್ ವಾಚ್ತಾಂವ್. ಆರಾಧಾನಾಕ್ ಮ್ಹಣ್ ಪರ್ಬೆಕ್ ಆಯಿಲ್ಲೆ ಥೊಡೆ ಗ್ರೇಕ್ ಜೆಜು ರಾಯ್ ಮ್ಹಣ್ ಲೊಕಾನ್ ಪರ್‍ಗಟ್ ಥರಾನ್ ಸನ್ಮಾನ್ ಕೆಲ್ಲೊ ಪಳೆವ್ನ್ ತಾಚೊ ಪಾಟ್ಲಾವ್ ಕರುಂಕ್ ಮ್ಹಣೊನ್ ಜೆಜುಕ್ ಪಳೆಂವ್ಕ್ ಆಶೆತಲೆ. ಪುಣ್ ಜೆಜು ವಿಶ್ಯಾಂತ್ಲಿ ಚೂಕ್ ಸಮ್ಜಣಿ ತಾಣಿಂ ಪಯ್ಸ್ ಕರಿಜೆ ಮ್ಹಳ್ಳೆ ಖಾತಿರ್ ತಾಂಚೆಲಾಗಿಂ ತೊ ಆಪ್ಲ್ಯಾ ಮರಣಾ ವಿಶ್ಯಾಂತ್ ಉಲಯ್ತಾ. ಎಕ್ಲ್ಯಾಚಿ ಕೀರ್ತ್ ಜಾವ್ನಾಸಾ ಆಪ್ಣಾಕ್‌ಚ್ ಮೊರೊನ್ ಪೆಲ್ಯಾಚ್ಯಾ ಆನಿ ದೆವಾಚ್ಯಾ ಸೆವೆಂತ್ ಮಾತ್ರ್. "ಸತ್‌ಚ್ ಹಾಂವ್ ತುಮ್ಕಾಂ ಸಾಂಗ್ತಾಂ: ಗೊಂವಾಚೊ ಕಣ್ ಮಾತ್ಯೆಂತ್ ಪಡೊನ್ ಮೆಲ್ಲ್ಯಾಖರಿತ್ ತೊ ಎಕೊಡೊಚ್ ಉರ್ತಾ; ತೊ ಮೊರತ್ ಜಾಲ್ಯಾರ್ ಯಥೇಶ್ಟ್ ಫಳ್ ದಿತಾ" (ಜುವಾಂವ್. 12:24). ಫಳ್ ದಿಂವ್ಚ್ಯಾ ಪಯ್ಲೆಂ ರೂಕ್ ಜಾಂವ್ಕ್ ಜಾಯ್. ರೂಕ್ ಜಾಯ್ಜೆ ತರ್ ಭಿಂಯಾಚೊ ಕಣ್ ಮರೊಂಕ್‌ಚ್ ಜಾಯ್. ಜೆಜುನ್ ಸರ್ಗಿ೦ಚ್ಯಾ ರಾಜಾಚೊ ರಾಯ್ ಜಾಂವ್ಕ್ ಆನಿ ತ್ಯಾ ರಾಜಾಕ್ ಆಮಿ ಪರ್ಜಾ ಜಾಂವ್ಕ್, ತಾಣೆ ಮರೊಂಕ್ ಜಾಯ್. ಮನ್ಶಾಚ್ಯಾ ಸಾಲ್ವಾಸಾಂವಾ ಖಾತಿರ್ ಸಂಸಾರಾಚ್ಯಾ ಚರಿತ್ರೆಂತ್‌ಚ್ ಬೋವ್ ವರ್ತೆ೦ ಮೋಲ್ ತಾಣೆ ದಿಲಾಂ. ಆಪ್ಲ್ಯಾ ಸಂಪೂರ್ಣ್ ವಿಧೇಯ್ಪಣಾನ್ ಸಂಸಾರಾಚಿ ಅವಿಧೇಯ್ಪಣಾ ವಿರೋಧ್ ದೆವಾಕ್ ಮಹಿಮಾ ದಿಲ್ಯಾ.

"ಧುಳ್ ತುಂ ಆನಿ ಧುಳಿಕ್ ತುಂ ಪಾಟಿಂ ವೆತಲೊಯ್" (ಉತ್ಪತ್ತಿ. 3:19(b)). ಹಿಂ ಉತ್ರಾಂ ಉಚಾರ್ನ್ ಆಮಿ ಚಾಳೀಸ್ ದೀಸ್ ಕರೆಜ್ಮಾಚ್ಯಾ ಕಾಳಾಕ್ ಮೇಟ್ ದವರ್ತಾಂವ್. "ಸಗ್ಳೆ ಪ್ರಾಣಿ ಎಕಾಚ್ ಜಾಗ್ಯಾಕ್ ವೆತಾತ್; ಸಗ್ಳ್ಯಾಂಕ್ ಧುಳಿಂತ್ಲೆ ಕೆಲ್ಲೆ ಆನಿ ಧುಳಿಕ್ ತೆ ಪಾಟಿಂ ವೆತಾತ್." (ಉಪದೇಶಕ್. 3:20). ಹೆಂ ಸತ್ ಆಮಿಂ ಜಾಣಾಂವ್. "ಗೊಬೊರ್" (ಸಿಂಜ್) ಏಕ್ ಗುರ್ತ್ ಜಾವ್ನ್ ಆಮ್ಚ್ಯಾ ಕಪಾಲಾಕ್ ಘಾಲ್ನ್ ಹೆಂ ಸತ್ ಆಮ್ಚ್ಯಾ ಉಗ್ಡಾಸಾಕ್ ಹಾಡ್ತಾ. ಹರ್ಯೆಕಾ ವರ್ಸಾ ಹಿಂ ಉತ್ರಾಂ ಖಂಚಾ ಮಾಪಾನ್ ಆಮ್ಚ್ಯಾ ಜಿವಿತಾಂತ್ ಆಮಿ ಮಾನುನ್ ಘೆತಾಂವ್? ಕರೆಜ್ಮಾಂತ್ಲೆ ಚಾಳೀಸ್ ದೀಸ್ ಮಾತ್ರ್? ಹ್ಯಾ ಉಪ್ರಾಂತೀ...

ಕರೆಜ್ಮಾಚ್ಯಾ ಕಾಳಾರ್ ಉಪಾಸ್ ಕರ್ನ್ ಮಾಗ್ಣೆಂ ಕರುಂಕ್ ದಾನ್ ಧರ್ಮ್ ದೀಂವ್ಕ್ ಆನಿ ಬರ್‍ಯೊ ಕರ್ನ್ಯೊ ಆಧಾರುಂಕ್ ಅಶೆಂ ಥರಾವಳ್ ರಿತಿಂನಿ ಪ್ರಾಚಿತ್ ಕರುಂಕ್ ಇಗರ್ಜ್‌ಮಾತಾ ಆಮ್ಕಾಂ ಉಲೊ ದಿತಾ. ಬರ್‍ಯಾ ಮನಾನ್ ಆನಿ ಸಾರ್ಕ್ಯಾ ರಿತಿನ್ ಧಾನ್-ಧರ್ಮ್ ದಿಂವ್ಚೆ ವಿಶ್ಯಾಂತ್ ಆಮಿ ಸಮ್ಜೊನ್ ಘೆವ್ಯಾಂ.

"ಜೆಜು ಯೆರಿಕೊ ಲಾಗ್ಸಾರ್ ಆಸ್ತಾನಾ ಥಂಯ್ಸರ್ ಬಸುನ್ ಭಿಕ್ ಮಾಗೊನ್ ಆಸ್‌ಲ್ಲೊ ಕುರ್ಡೊ ಬಾರ್ತೊಲೊಮೆವ್ ದೀಷ್ಟ್ ಘೆವ್ನ್ ಗೆಲೊ" ಮ್ಹಣ್ತಾ ಪವಿತ್ರ್ ಪುಸ್ತಕ್. (ಲೂಕ್. 18:35-43)

ಹಾಕಾ ಕಾರಣಾಂ ಅಶೆಂ ಸಾಂಗ್ಯೆತ್.

1. ತೊ ಜೆಜುಕ್ ಒಳ್ಕಾಲೊ.
2. ತಾಣೆಂ ಅಂತಸ್ಕರ್ನಾಚೆ ಗುಂಡಾಯೆಥಾವ್ನ್ ಬೋಬ್ ಮಾರ್ಲಿ.

ಸಂಸಾರಾಂತ್ಲೊ ಗ್ರೇಸ್ತ್ ಮನಿಸ್ ಕೋಣ್? ಮ್ಹಣ್ ಕೊಣೆಂಯ್ ಆಮ್ಕಾಂ ವಿಚಾರ್‍ಲ್ಯಾರ್, ಆಮ್ಚಿ ಜವಾಬ್: ಬಿಲ್ ಗೇಟ್ಸ್, ಅಂಬಾನಿ ವಾ ಹೆರ್ ಮಹಾನ್ ಗ್ರೇಸ್ತ್ ಮನ್ಶಾಂಚಿ ನಾಂವಾ ಆಮ್ಚ್ಯಾ ತೊಂಡಾರ್ ಉಪ್ಯೆತಾತ್. ಪುಣ್ ಹಿ ಗ್ರೇಸ್ತ್‌ಕಾಯ್ ಸಂಸಾರಿ ದೃಷ್ಟೆನ್ ಪಳೆಯ್ಲ್ಯಾರ್ ಮಾತ್ರ್. ಪುಣ್ ಅತ್ಮಿಕ್ ದಿಷ್ಟಿನ್ ಪಳೆಯ್ಲ್ಯಾರ್ ವಿಶ್ವಾಸ್ಪಣಾನ್ ಆಸ್‌ಲ್ಲೊ ಮನಿಸ್ ವರ್ತೆ ದಾಯ್ಜ್ ಪುಂಜಯ್ಲಲೊ ಮನಿಸ್.

ಸೊಮ್ಯಾಚೆರ್ ಪಾತ್ಯೆ ಮ್ಹಣ್ತಾ ಪ್ರವಾದಿ ಆನಿ ಬರೆಂ ಆಧಾರ್ನ್ ಸಂಸಾರಾಂತ್ ಜಿಯೆ ಆನಿ ತಾಚಿ ಗ್ರೇಸ್ತ್‌ಕಾಯ್ ತುಂ ಭೊಗ್ತಲೊಯ್. ದೆವಾಚ್ಯೆ ವಾಟೆನ್ ಮುಖಾರ್ ಸರುಂಕ್ ಆನಿ ಸುಡ್ಸುಡಾಯೆನ್ ಜಿಣಿ ಬದ್ಲುಂಕ್ ಜಾಯ್ತ್ಯಾ ಜಣಾಂಕ್ ಏಕ್ ವಸ್ತ್ ಆಡಾಯ್ತಾ ಮ್ಹಣ್ಜೆ ಕಾಮ್ ಕಷ್ಟಾಂಚೆಂ ಮ್ಹಳ್ಳೆಂ ಭೈಂ ವಾ ಆಪ್ಣಾಚೆರ್‌ಚ್ ಝಜ್ತಾನಾ ಭೊಗ್ಚಿ ವಾಂವ್ಟ್.

"ಆಮಿ ಉಜ್ವಾಡಾಚಿ ವಾಟ್ ಪಳೆತಾಂವ್, ಪೂಣ್ ಆಬ್ಳೆ, ಆಮ್ಕಾಂ ಮೆಳ್ತಾ ಅಂಧ್ಕಾರ್; ಪ್ರಕಾಸ್ ಆಮಿ ಆಶೆತಾಂವ್, ಪೂಣ್ ಅಂಧ್ಕಾರಾಂತ್ ಆಮಿ ಚಲ್ತಾಂವ್" (ಇಸಾ. 59:9)

ನವೆಂ ವರಸ್ ಆರಂಭ್ ಜಾಂವ್ಕ್ ಥೊಡ್ಯೊಚ್ ಘಡಿಯೊ ಬಾಕಿ ಆಸ್‌ಲ್ಲ್ಯೊ. ಪವಿತ್ರ್ ಸಾಕ್ರಾಮೆಂತಾ ಮುಖಾರ್ ಸರ್ಪಡೊನ್ ಮಾಗ್ತಾಸ್ತಾನಾ ಮ್ಹಜ್ಯಾ ಅಂತಸ್ಕರ್ಣಾಚೊ ತಾಳೊ ಮ್ಹಾಕಾ ಜಾಗಂವ್ಕ್ ಲಾಗ್ಲೊ. "ಪುತಾ, ತುಂ ಮ್ಹಜೊ ಹಾತ್ ಧರ್ ಆನಿ ಚಲ್" ಸೊಮ್ಯಾಚೊ ಹಾತ್ ಧರ್ನ್ ನವೆಂ ವರಸ್ ಪ್ರಾರಂಭ್ ಕರುಂಕ್ ಮ್ಹಾಕಾ ಮೆಳ್‌ಲ್ಲೊ ಉಲೊ ಹಾಂವೆಂ ಸ್ವೀಕಾರ್ ಕೆಲೊ ಆನಿ ಪಾಟ್ಲ್ಯಾ ವರ್ಸಾ ಸೊಮ್ಯಾನ್ ತಾಚ್ಯಾ ಜಯ್ತೆವಂತ್ ಹಾತಾನ್ ಮ್ಹಾಕಾ ಚಲವ್ನ್ ವ್ಹೆಲ್ಲಿಂ ಸರ್ವ್ ಘಡಿತಾಂ ನಿಯಾಳುಂಕ್ ಲಾಗ್ಲೊಂ. ಎಕಾ ಪಾಟ್ಲ್ಯಾನ್ ಏಕ್ ಘಡಿತ್ ನಿಯಾಳ್ತಾಸ್ತಾನಾ ಮ್ಹಾಕಾ ಭೊಗ್ಲೆಂ ಕೀ ಸೊಮ್ಯಾನ್ ಕೆದಿಂಚ್ ಮ್ಹಜೊ ಹಾತ್ ಸೊಡುಂಕ್ ನಾ ಪುಣ್ ಹಾಂವೆಂ ತಾಚೊ ಹಾತ್ ಸೊಡ್ಲಾ! ತ್ಯಾಚ್ ಘಡಿಯೆ ಹಾಂವೆಂ ಸೊಮ್ಯಾಕ್ ಉಲೊ ಮಾರ್ಲೊ - "ಸೊಮ್ಯಾ ಹಾಂವೆಂ ತುಜೊ ಹಾತ್ ಧರ್‍ಚ್ಯಾ ಬದ್ಲಾಕ್, ತುಂಚ್ ಮ್ಹಜೊ ಹಾತ್ ಧರ್. ತುಜ್ಯಾ ಬಳ್ವಂತ್ ಹಾತಾಖಾಲ್ ಕೆದಿಂಚ್ ಹಾಂವ್ ನಿಸಾರ್ನ್ ಪಡ್ಚೊನಾ."

ಡಿಸೆಂಬರ್ ಮಹಿನ್ಯಾಂತ್ ಹಾಂವ್ ಸೌದಿ ಅರೇಬಿಯಾಂತ್ ರೆತಿರ್ ದೀವ್ನ್ ಆಸ್ತಾನಾ, ಮ್ಹಾಕಾ ಎಕಾ ಕುಟ್ಮಾನ್ ತಾಂಚ್ಯಾ ಘರಾ ಭೆಟ್ ದೀಂವ್ಕ್ ಆಪೊವ್ಣೆಂ ದಿಲೆಂ. ತಾಂಚಾ ಉಲ್ಯಾಕ್ ಪಾಳೊ ದೀವ್ನ್ ತಾಂಚೆ ಭೆಟೆಕ್ ತಾಂಗೆರ್ ಹಾಂವ್ ಪಾವ್ಲೊಂ. ತ್ಯಾಚ್ ಸಾಂಜೆರ್ ಅರಾಮ್ಕೊ ಕಂಪೆನಿಂತ್ ಭೆಟಂವ್ಕ್ ಆಸ್ಚ್ಯಾ ಪವಿತ್ರ್ ಮಿಸಾಚ್ಯಾ ಬಲಿದಾನಾಂತ್ ವಾಂಟೆಲಿ ಜಾಂವ್ಕ್ ಹಾಂವೆಂ ತಾಂಕಾಂ ಆಪೊವ್ಣೆಂ ದಿಲೆಂ. ತಿಂ ದೊಗಾಂಯೀ ಆವಯ್ ಆನಿ ಬಾಪುಯ್ ಮಿಸಾಕ್ ಯೇಂವ್ಕ್ ಒಪ್ಲಿಂ. ಪೂಣ್ ತಾಂಚ್ಯಾ ದೊಗಾಂಯಿ ಭುರ್ಗ್ಯಾಂಕ್ ಕರಾಟೆ ಕ್ಲಾಸ್ ಆಸ್‌ಲ್ಲ್ಯಾವರ್ವಿಂ ತಾಂಕಾಂ ಯೇಂವ್ಕ್ ಸಾಧ್ಯ್ ಜಾಂವ್ಚೆಂನಾ ಮ್ಹಣ್ ಏಕ್ ನೀಬ್ ದಿಲೆಂ. ಹೆಂ ಆಯ್ಕೊನ್ ಸವ್ಯಾ ಕ್ಲಾಸಿಂತ್ ಶಿಕ್ಚ್ಯಾ ಚೆರ್ಕ್ಯಾ ಭುರ್ಗ್ಯಾಕ್ ಹಾಂವೆ ವಿಚಾರ್ಲೆಂ, ತುಂ ಕಿತ್ಯಾ ಖಾತಿರ್ ಕರಾಟೆ ಶಿಕ್ತಾಯ್? ದುಸ್ರ್ಯಾಂಕ್ ಜಿವೆಶಿಂ ಮಾರುಂಕ್ ಯಾ ಲಡಾಯ್ ಕರುಂಕ್? ಯಾ ದುಸ್ರ್ಯಾಂಕ್ ಭೆಷ್ಟಾಂವ್ಕ್? ತ್ಯಾ ಸವಾಲಾಕ್ ಭುರ್ಗ್ಯಾನ್ ಜಾಪ್ ದೀವ್ನ್ ಅಶೆಂ ಮ್ಹಳೆಂ, "ಕರಾಟ್ಯಾ ವರ್ವಿಂ ಹಾಂವ್ ಮ್ಹಜ್ಯಾ ಜಿವಾಚೆಂ ರಕ್ಷಣ್ ಕರುಂಕ್ ಸಕ್ತಾಂ." ಹಾಂವ್ ಹಾಸ್ಲೊಂ ಆನಿ ತಾಚೆಕಡೆ ವಿಚಾರ್ಲೆಂ. ತುಜ್ಯಾ ಕರಾಟ್ಯಾ ವರ್ವಿಂ ಕಶೆಂ ತುಜ್ಯಾ ಜಿವಾಕ್ ತುಂ ರಕ್ಷಣ್ ದೀಂವ್ಕ್ ಸಕ್ತಾಯ್? ಕೊಣೆಂಯೀ ತುಕಾ ಬಂದೂಕೆನ್ ಮಾರ್ಲೆಂ ತರ್? ಕಸಲ್ಯಾಯೀ ಅವ್ಘಡಾಕ್ ಸಾಂಪಡ್ಲೊಯ್ ತರ್? ಭುಂಯ್‌ಕಾಂಪ್ ಯಾ ಬೊಂಬಾಚ್ಯಾ ಘಾಸಾಕ್ ಸಾಂಪಡ್ಲೊಯ್ ತರ್? ಆವ್ರಾಂತ್ ವ್ಹಾಳೊನ್ ಗೆಲೊಯ್ ತರ್? ವಾರ್‍ಯಾ ವಾದಾಳಾಕ್ ಸಾಂಪಡ್ಲೊಯ್ ತರ್? ಯಾ ಮಾರೆಕಾರ್ ಪಿಡೆಕ್ ಬಲಿ ಜಾಲೊಯ್ ತರ್? ಹ್ಯಾ ಸಗ್ಳ್ಯಾ ಪರಿಸ್ಥಿತೆಂತ್ ತುಜೆಂ ಕರಾಟೆ ತುಜೊ ಜೀವ್ ಖಂಯ್ಚ್ಯಾ ಥರಾನ್ ರಾಕೊಂಕ್ ಸಕ್ತಾ? ಭುರ್ಗೊ ಸಗ್ಳೊಚ್ ಭಿಯೆಲೊ ಆನಿ ಗುಸ್ಪಡ್ಲೊ. ಕಿತೆಂ ಜಾಪ್ ದಿಂವ್ಚಿ ಮ್ಹಣ್ ತಾಕಾ ಕಳೊಂಕ್ ನಾ.

"ಹಾಂವ್ ತಾಚೆಂ ಸಿಂಹಾಸನ್ ಥಿರ್ ಕರ್ತಲೊಂ ಆನಿ ಆಕಾಸ್ ಸರಾ ಪರ್ಯಾ೦ತ್ ತಾಕಾ ಸಾಂಬಾಳ್ತಲೊಂ" (ಕೀರ್ತನ್. 89:29). ತುಂ ಆನಿ ತುಜೆಂ ಘರಾಣೆಂ ಸುರಕ್ಷಿತ್ ಆನಿ ಸಮೃದ್ದೆನ್ ಆಸಾಜೆ. ದೆವಾಚ್ಯಾ ಕಾಳ್ಜಾಚೊ ಅತ್ರೆಗ್ ಹೊ. ತುವೆಂ ಹೆಂ ಬೆಸಾಂವ್ ಕಶೆಂ ಆಪ್ಣಾವ್ಯೆತ್? "ಜೊ ಕೋಣ್ ಪರಮೋನ್ನತ್ ದೆವಾಚ್ಯಾ ಆಸ್ರ್ಯಾಖಾಲ್ ರಾವ್ತಾ ಆನಿ ಸರ್ವ್ ಪದ್ವೆದಾರಾಚೆ ಸಾವ್ಳೆಂತ್ ಜಿಯೆತಾ ತೊ ಸರ್ವೆಸ್ಪರಾಕ್ ಮ್ಹಣ್ತಾ: ತುಂಚ್ ಮ್ಹಜೊ ಆಸ್ರೊ, ತುಂಚ್ ಮ್ಹಜೆಂ ಕೊಟೆಂ, ದೆಕುನ್ ತುಜೆರ್ ದೆವಾ ದವರ್‍ತಾಂ ಮ್ಹಜೊ ವಿಶ್ವಾಸ್" (ಕೀರ್ತನ್. 91:1-3).