ದೈವಿಕ್ ಸ೦ದೇಶ್

ಪಯ್ಲೆಂ: ಆ.ಕೃ. 2:1-11; ದುಸ್ರೆಂ: 1 ಕೊರಿ 12:3b-7, 12-13; ಶುಭ್‌ವಾರ್ತಾ: ಜುವಾಂವ್. 20:19-23

ವಿಶಯ್: ಯೇ ಪವಿತ್ರ್ ಅತ್ಮ್ಯಾ

ಪರ್ನ್ಯಾ ಸೊಲ್ಲ್ಯಾಚ್ಯಾ ಕಾಳಾರ್ ಪಾಸ್ಕಾಚ್ಯಾ ಪರ್ಬೆ ಉಪ್ರಾಂತ್ ಪನ್ನಾಸ್ ದಿಸಾಂನಿ ಪೆಂತೆಕೊಸ್ತಾಚಿ ಪರಬ್ ಆಚರ್ಸಿತೆಲೆ. ಹ್ಯಾ ಫೆಸ್ತಾಕ್ 'ಪ್ರಥಮ್ ಫಳಾಂಚೊ ದೀಸ್' ವಾ ಲುವ್ಣೆಚೆಂ ಫೆಸ್ತ್ ಮ್ಹಣೊನ್‌ಯೀ ಆಪಯ್ಲೆಂ. ಪೆಂತೆಕೊಸ್ತಾಚೊ ದೀಸ್ ಪ್ರತ್ಯೇಕ್ ಜಾವ್ನ್ ತೀನ್ ಕಾರಣಾಂಖಾತಿರ್ ದೆವಾಚೊ ಉಪ್ಕಾರ್ ಬಾವುಡ್ಚೊ ದೀಸ್ ಜಾವ್ನ್ ಆಸ್‌ಲ್ಲೊ:

ಆಮ್ಕಾಂಚ್ ಆಮಿ ಚಡ್ ಪಾತ್ಯೆಂವ್ಕ್ ನ್ಹಜೊ ಕಿತ್ಯಾಕ್ ಸಬಾರ್ ಪಾವ್ಟಿಂ ಆಮ್ಕಾಂ ಕುರ್ಪಾ ಆನಿ ಸಮ್ಜೊಣಿ ಪಾವಾನಾ. ಸಬಾರ್ ಪಾವ್ಟಿಂ ಆಮಿ ಚೂಕ್ ಆಧಾರ್ತಾ೦ವ್ ಆನಿ ನಿಬಾಂ ಸಾಂಗೊನ್ ಆನಿಕ್‌ಯೀ ಪಾಡ್ ಕರ್ತಾ೦ವ್. ಥೊಡೆ ಪಾವ್ಟಿಂ ವೊಡ್ನೆಚ್ಯಾ ಬಳಾನ್ ಆಮಿ ಚಲ್ತಾಂವ್ ಆನಿ ದೆವಾ ಪಾಸತ್ ಉರ್ಭಾ ಮ್ಹಣ್ ಚಿಂತಾಂವ್. ಹೆರಾಂಕ್ ಲ್ಹಾನ್ ಸಂಗ್ತಿಂನಿ ಗುನ್ಯಾಂವ್ಕಾರ್ ಕರ್ತಾ೦ವ್, ಆಮ್ಚೆ ವ್ಹಡ್ ಗುನ್ಯಾಂವ್ ಸಯ್ತ್ ಲೆಕಿನಾಂವ್. ಹೆರಾಂಕಡ್ಚೆಂ ಆಮ್ಕಾಂ ಕಿತೆಂ ಸೊಸುಂಕ್ ಮೆಳ್ತಾ ಮ್ಹಳ್ಳೆಂ ವೆಗ್ಗಿಂ ಸಮ್ಜಾತಾಂವ್ ಆನಿ ತುಕ್ತಾಂವ್, ಪುಣ್ ಆಮ್ಚೆನಿಮ್ತಿಂ ಹೆರಾಂಕ್ ಕಿತ್ಲೆಂ ಸೊಸುಂಕ್ ಮೆಳ್ತಾ ಮ್ಹಳ್ಳೆ ಚಿಂತಿನಾಂವ್. ಕೋಣ್ ಆಪ್ಲ್ಯೊಚ್ ಕರ್‍ನ್ಯೊ ಬರ್‍ಯೊ ಕರ್ನ್ ಆನಿ ಸಾರ್ಕ್ಯೊ ತುಕ್ತಾಗೀ ತೊ ಹೆರಾಂ ವಿಶ್ಯಾಂತ್ ಕಟೀಣಾಯೆನ್ ನೀತ್ ಕರುಂಕ್ ಪಾವಾಸೊನಾ.

"ಪೆಂತೆಕೊಸ್ತಾಚೆ ಪರ್ಬೆಚೊ ದೀಸ್ ಆಯ್ಲೊ ಆಸ್ತಾಂ, ತೆ ಸಮೇಸ್ತ್ ಏಕ್ ಸುವಾತೆರ್ ಸಾಂಗಾತಾ ಮೆಳೊನ್ ಆಸ್ಲೆ. ತೆದ್ವಾಂ ಎಕಾಚ್ಚಾಣೆಂ ಕಠಿಣ್ ಝಡ್‌ವಾರೆಂ ಆಯ್‌ಲ್ಲೆಬರಿಂ ಮಳ್ಬಾರ್ ಥಾವ್ನ್ ಏಕ್ ಆವಾಜ್ ಆಯ್ಲೊ ಆನಿ ತೆ ಬಸೊನ್ ಆಸ್ಲಲೆ ತ್ಯಾ ಘರಾಂತ್ ಭರ್ಲೊ. ತವಳ್ ತಾಂಕಾಂ ದಿಸ್ಲ್ಯೊ ಉಜ್ಯಾ ಸಾರ್ಕ್ಯೊ ಜಿಬೊ. ತ್ಯೊ ವಿಂಗಡ್ ವಿಂಗಡ್ ಜಾವ್ನ್ ತಾಂಚೆ ಮಧ್ಲ್ಯಾ ಹರ್ಯೆಕ್ಲ್ಯಾಚೆರ್ ವಚುನ್ ರಾವ್ಲ್ಯೊ. ತೆ ಸಮೆಸ್ತ್ ಪವಿತ್ರ್ ಅತ್ಮ್ಯಾನ್ ಭರ್ಲೆ ಆನಿ ತ್ಯಾ ಅತ್ಮ್ಯಾನ್ ತಾಂಕಾ ದಿಲ್ಲೆ ವಾಚಾ ಸಕ್ತೆ ಪರ್ಮಾಣೆಂ ಪರ್ಕಿ ಭಾಸಾಂನಿ ತೆ ಉಲೊಂವ್ಕ್ ಲಾಗ್ಲೆ" (ಧ. ಕೃ. 2:1-4). ಜೆಜುಚಿ ಹರ್ಯೆಕ್ ಭಾಸಾವ್ಣಿ ಸತ್ ಜಾವ್ನಾಸಾ. "ತವಳ್ ಹಾಂವ್ ಬಾಪಾಲಾಗಿಂ ಮಾಗ್ತಲೊಂ, ತೊ ತುಮ್ಕಾಂ ಏಕ್ ಮಜತ್‌ದಾರ್ ದಿತಲೊ ಆನಿ ಹೊ ತುಮ್ಚೆಸವೆಂ ಸದಾಂಕಾಳ್ ರಾವ್ತಲೊ" (ಜುವಾಂವ್. 14-16). "ಹೇ ಪರಿಂ ತೆ ಮಾಗ್ಣೆಂ ಕರಿತ್ ಆಸ್ತಾನಾ, ತೆ ಜಮೊ ಜಾಲ್ಲಿ ತಿ ಸುವಾತ್ ಸಗ್ಳಿ ಹಾಲ್ಲಿ; ತೆ ಸಮೆಸ್ತ್ ಪವಿತ್ರ್ ಅತ್ಮ್ಯಾನ್ ಭರ್ಲೆ

ಮನ್ಶಾಚಿ ಮತ್ ಜಾಣ್ವಾಯೆನ್ ಭರ್‍ಲ್ಯಾ. ಖರಿ ಜಾಣ್ವಾಯ್ ಯಾ ಫಟ್ಕಿರಿ ಜಾಣ್ವಾಯ್? ಪವಿತ್ರ್ ಪುಸ್ತಕ್ ಖರ್‍ಯಾ ಜಾಣ್ವಾಯೆ ವಿಷ್ಯಾಂತ್ ಅಶೆಂ ಸಾಂಗ್ತಾ "ಜಾಣ್ವಾಯೆಂತ್ ಏಕ್ ಅತ್ಮೊ ಆಸಾ. ಹೊ ಅತ್ಮೊ ಬುದ್ವಂತ್, ಪವಿತ್ರ್, ಅಪ್ರತಿಮ್, ಜಿನಸ್‌ವಾರ್, ಸೂಕ್ಷ್ಮ್, ಸುಡ್ಸುಡಿತ್, ತೀಕ್ಷ್ಣ್ ನಿರ್ಮಳ್, ನಿತಳ್, ಅಖಂಡ್, ದಯಾಳ್, ಚತುರ್, ಆಡಾಂವ್ಕ್ ನಜೊ ಆಸ್ಲಲೊ, ಉಪ್ಕಾರಿ, ಮನ್ಶಾಂಕ್ ಮೊಗಾಳ್, ಥಿರ್, ಸುರಕ್ಷಿತ್, ಪ್ರಶಾಂತ್, ಸರ್ವ್ ಪದ್ವೆದಾರ್, ಸರ್ವೇಕ್ಷಕ್, ಆನಿ ತೊ ಸರ್ವ್ ಬುದ್ವಂತ್, ನಿರ್ಮಳ್ ಆನಿ ಸೂಕ್ಷ್ಮ್ ಅತ್ಮ್ಯಾಂನಿ ವ್ಯಾಪಕ್ ಜಾವ್ನಾಸಾ" (ಜಾಣ್ವಾಯ್. 7:22-23). ಜಾಣ್ವಾಯೆನ್ ಭರ್‌ಲ್ಲೊ ವ್ಯಕ್ತಿ ಆಪ್ಲ್ಯೊ ಕರ್ನ್ಯೊ ಭೊಳೆಪಣಾನ್ ಆನಿ ಜಾಣ್ವಾಯೆನ್ ಕರ್ನ್ ಬರಿ ದೇಖ್ ದಿತಾ. ಖರಿ ಜಾಣ್ವಾಯ್ ವಯ್ರ್ ಥಾವ್ನ್ ಯೆತಾ ಮ್ಹಣ್ ದೆವಾಚೆಂಚ್ ಉತರ್ ಆಮ್ಕಾಂ ಸಾಂಗ್ತಾ. "ವಯ್ರ್ ಥಾವ್ನ್ ಲಾಭ್ತಾ ತಿ ಜಾಣ್ವಾಯ್ ಪಯ್ಲೇ ಸುವಾತೆರ್ ನಿತಳ್; ಸಾಂಗಾತಾಚ್ ಸಮಾಧಾನಾಚಿ, ಭೊಳಿ, ಸುಧಾರ್ಸುನ್ ವ್ಹರ್ತಾ ತಸಲಿ, ದಯಾಳಾಯೆನ್ ಭರ್ಲಲಿ, ಬರ್‍ಯಾ ಕರ್ನ್ಯಾಂಚೆಂ ಫೊಳ್ ದಿತಲಿ, ಆನಿ ಪಕ್ಷಪಾತ್ ಆನಿ ಕಪಟೀಪಣ್ ನಾತ್ಲಲಿ. ಜಿಂ ಕೊಣ್ ಸಮಾಧಾನ್ ಸೊಧ್ತಾತ್, ತಿಂ ಸಮಾಧಾನಾಚೆಂ ಬಿಂ ಒಂಪುನ್ ನಿತಿವಂತ್ಪಣಾಚಿಂ ಫೊಳಾಂ ಲುಂವ್ತಾತ್" (ಜಾಕೋಬಾಚೆಂ ಪತ್ರ್. 3:17-18). "ಪ್ರಾಮಾಣಿಕ್ ಮನ್ಶಾಂಚೆ ಅತ್ಮೆ ದೆವಾಚ್ಯಾ ಹಾತಾಂತ್ ಆಸಾತ್ ಆನಿ ಕಸಲೆಚ್ ದಗ್ದ್ ತಾಂಕಾಂ ಲಾಗ್ಚೆ ನಾಂತ್" (ಜಾಣ್ವಾಯ್. 3:1). "ತಿ ದೆವಾಚ್ಯಾ ಆದೆಶಾಂಚೆಂ ಪುಸ್ತಕ್, ಸದಾಂಕಾಲ್ ತಗ್ತಾ ತೆಂ ಧರ್ಮ್‌ಶಾಸ್ತ್ರ್" (ಬಾರೂಕ್. 4:1)

ಮನ್ಶಾಚ್ಯಾ ಜಿಣ್ಯೆಂತ್ ಏಕ್ ಪಾವ್ಟಿಂ ಪುಣೀ ರಡನಾಸ್ತಾನಾ ರಾವ್‌ಲ್ಲೊ ಕೊಣ್೦ಚ್ ಮೆಳೊಂಕ್ ಅಸಾಧ್ಯ್.

ಆಪ್ಲ್ಯಾ ಭುರ್ಗ್ಯಾಖಾತಿರ್ ಆವಯ್ ಬಾಪಾಯ್ನ್ ಗಳೊಂವ್ಚಿಂ ದುಕಾಂ ಪಳೆಂವ್ಕ್ ದೆವಾಚ್ಯಾನ್ ಜಾಯ್ನಾ. ಮೊಗಾಚೊ ಆನಿ ಕಾಕುಳ್ತಿಚೊ ದರ್‍ಯೊ ತೊ! ಹಿಂ ದುಕಾಂ ಥೊಡೆ ಪಾವ್ಟಿಂ ಮನ್ಶಾಂನಿ ಕರ್ಚೆ೦ ವ್ಹಡ್ಲೆಂ ಬಲಿದಾನ್ ಆನಿ ಮೊಗಾಚೊ ತ್ಯಾಗ್ ಜಾವ್ನಾಸಾ. ದೆಕುನ್‌ಚ್ ಮನ್ಶಾಚ್ಯಾ ದೊಳ್ಯಾಂತ್ಲಿಂ ಹಿಂ ದುಕಾಂ ಸರ್ವೆಸ್ಪರ್ ದೆವಾಚಿ ದಯಾ ಆನಿ ಕುರ್ಪಾ ಹಾಡ್ನ್ ಯೆತಾತ್! "ಮ್ಹಜೆ ಕಶ್ಟ್ ತುವೆಂ ಮೆಜ್ಲ್ಯಾಯ್. ಮ್ಹಜಿಂ ದುಕಾಂ ತುಜ್ಯಾ ಸಿಸ್ಲೆಂತ್ ಭರುನ್ ದವರ್" (ಕೀ. 56:8) ಮ್ಹಣ್ ಕೀರ್ತನ್‌ಗಾರ್ ಸಾಂಗ್ತಾ.

ಪವಿತ್ರ್ ಪುಸ್ತಕಾಂತ್ ಅಶೆಂ ಬರವ್ನ್ ಆಸಾ: "ಪುಣ್ ತುಂ ಉಪಾಸ್ ಕರ್ತಾನಾ ತುಜೆಂ ಮುಖ್‌ಕಮಳ್ ಧು. ತುಜ್ಯಾ ಮಾತ್ಯಾಕ್ ತೇಲ್ ಮಾಖ್. ಅಶೆಂ ತುಂ ಉಪಾಸ್ ಕರ್ತಾಯ್ ಮ್ಹಣ್ ಗುಪ್ತಿಂ ಆಸ್‌ಲ್ಲ್ಯಾ ತುಜ್ಯಾ ಬಾಪಾಕ್ ಶಿವಾಯ್, ಹೆರಾಂಕ್ ತೆಂ ಕಳಾನಾ ಜಾಂವ್. ತುವೆಂ ಗುಟಾನ್ ಕೆಲ್ಲೆಂ ಪಳೆತಾ ತೊ ತುಜೊ ಬಾಪ್ ತುಕಾ ಪೂತಿಫಳ್ ದಿತಲೊ" (ಮಾತೆವ್. 6:17-18).

ದೆವಾನ್ ಸಾಕ್ರಾಮೆಂತ್ ದಿಲಾ ಕುಮ್ಸಾರಾಚೊ
ಆಮ್ಕಾಂ ತಾಚೆಕಡೆ ರಾಜಿ ಕರ್ಚೊ
ಆಮ್ಚೆಥಾವ್ನ್ ಪುಸುನ್ ಕಾಡುಂಕ್ ವೊಸೊ ಪಾತ್ಕಾಚೊ
ತಾಣೆಂ ಮೋಗ್ ಕೆಲೊ ಖುರ್ಸಾಚೊ

ಖುರ್ಸಾರ್ ತಾಣೆಂ ರಗತ್ ವಾರಯ್ಲೆಂ
ತ್ಯಾ ರಗ್ತಾನ್ ಆಮ್ಚೆಂ ಪಾತಕ್ ಧುವ್ನ್ ಕಾಡ್ಲೆಂ
ಆಮಾ ಸರ್ವಾ೦ಕ್ ಬಚಾವ್ ಕೆಲೆಂ

"ಜರ್ ಕ್ರಿಸ್ತಾಕ್ ಜಿವಂತ್, ಉಠೊಂವ್ಕ್ ನಾ, ತರ್ ಆಮಿಂ ಪರ್ಗಟ್ ಕರ್ತಾ೦ವ್ ತೊ ಸಂದೇಶ್ ವ್ಯರ್ಥ್, ತುಮ್ಚೊ ಭಾವಾರ್ಥ್‌ಯೀ ವ್ಯರ್ಥ್" (1 ಕೊರಿಂತ್ 15:14).

"ಅಬ್ಳೆ ಕ್ರಿಸ್ತಾಚೊ ಉಜ್ವಾಡ್" - ಪಾಸ್ಕಾಚ್ಯೆ ಜಾಗ್ರಣೆಚೆ ರಾತಿಂ ಯಾಜಕ್ ಪಾಸ್ಕಾಚಿ ವಾತ್ ಘೆವ್ನ್ ದೇವ್ ಮಂದಿರಾಚ್ಯಾ ಭಿತರ್ ಸರ್ತಾನಾ ತೀನ್ ಪಾವ್ಟಿಂ ಹಿಂ ಉತ್ರಾಂ ಉಚಾರ್ತಾ. ಸೊಮ್ಯಾ ಜೆಜು ಕ್ರಿಸ್ತಾಚ್ಯಾ ಜಿವಂತ್ಪಣಾಂತ್ ಆಮಿ ಮರಣಾಚ್ಯಾ ಕಾಳೊಕಾಥಾವ್ನ್ ಜಿವಿತಾಚ್ಯಾ ಉಜ್ವಾಡಾಕ್ ಉತ್ರಾಲ್ಯಾಂವ್ ಮ್ಹಳ್ಳೊ ಸಂದೇಶ್ ಸಗ್ಳ್ಯಾ ದೇವ್‌ಪ್ರಜೆಕ್ ದಿಂವ್ಚೊ ಹ್ಯಾ ರಿತಿಚೊ ಉದ್ದೇಶ್ ಜಾವ್ನಾಸಾ. ಜೊ ಕೋಣ್ ಪುನರ್‌ಜಿವಂತ್ ಜೆಜುಥಂಯ್ ಭಾವಾರ್ಥಾನ್ ಜಿಯೆತಾ ತೊ ಸೊಮ್ಯಾಸವೆಂ ಸಾಸ್ಣಿಕ್ ಜಿವಿತಾಂತ್ ಭಾಗಿದಾರ್ ಜಾತಾ ಮ್ಹಳ್ಳೆಂ ಸತ್ ಪಾಸ್ಕಾಚ್ಯಾ ಜಾಗ್ರಣೆಚ್ಯಾ ತ್ಯಾ ದೇವ್‌ಸ್ತುತೆಂತ್ ಆಮಿಂ ಒಳ್ಕುನ್ ಘೆತಾಂವ್.

"ತಾಚೇ ಜಾಂಗೇ ವಯ್ರ್ ದಗ್ಲ್ಯಾಚೆರ್ ಹೆಂ ನಾಂವ್ ಬರೊವ್ನ್ ಆಸ್ಲೆಂ: ರಾಯಾಂಚೊ ರಾಯ್ ಆನಿ ಧನಿಯಾಂಚೊ ಧನಿ" (ಜುವಾಂವ್ಕ್ ಕೆಲ್ಲೆಂ ಉಗ್ಡಾಪಣ್. 19:16).

ಪಾಸ್ಕಾಂಚೊ ಸಂತೊಸ್ ಆಮ್ಚ್ಯಾ ಪುನರ್‌ಜಿವಂತ್ಪಣಾಂತ್ ಆಮ್ಚೊ ಭರ್ವಸೊ ಉಜ್ವಾಡಾಯ್ತಾ ಆನಿಂ ಆಮ್ಚ್ಯಾ ಸೊಡ್ವೊಣ್ದಾರಾ ಜೆಜು ಕ್ರೀಸ್ತಾ ಥಂಯ್ ಅಮ್ಚೊ ಭಾವಾಡ್ತ್ ಗೂಂಡ್ ಕರ್ತಾ. ಜೆಜು ಮನ್ಶಾಕುಳಾಚೊ ದೇವ್ ಆನಿ ಸೊಡ್ವೊಣ್ದಾರ್ ಮ್ಹಳ್ಳೆಂ ಸತ್ ತಾಚಾ ಪುನರ್‌ಜಿವಂತ್ಪಣಾ ಥಂಯ್ ಆಮ್ಕಾಂ ರುಜು ಜಾತಾ. ಜೆಜುಚಾ ಪಾಶಾಂವಾ, ಮರ್ಣಾಂ ಆನಿ ಪುನರ್‌ಜಿವಂತ್ಪಣಾಂ ವರ್ವಿಂ ತಾಣೆಂ ಪಾತ್ಕಾಚೆರ್ ದೆಂವ್ಚಾರಾಚೆರ್ ಆನಿ ಮರ್ಣಾಚೆರ್ ಜಯ್ತ್ ವೆಲಾಂ ಮ್ಹಣ್ ಆಮ್ಕಾಂ ರುಜು ಕೆಲಾಂ. ಪಾಸ್ಕಾಂಚೊ ಕಾಳ್ ಹೆಂ ಸತ್ ಆಮ್ಕಾಂ ಉಗ್ಡಾಪೆಂ ಕರ್ತಾ. "ಶಿಯಾಸಣಾಚೇ, ತ್ಯಾ ಚಾರ್ ಜಿವಿಯಾಂಚೇ ಆನಿ ಮಾಲ್ಗಡ್ಯಾಂಚೇ ಭೊಂವ್ತಣಿಂ ರಾವುನ್ ವ್ಹಡ್ಲ್ಯಾ ತಾಳ್ಯಾನ್ ತೆ ಮ್ಹಣ್ತಾಲೆ: ಜಿವೆಶಿಂ ಮಾರ್ಲಲೇ ತೇ ಶೆಳಿಯೆಕ್ ಫಾವೊ ಸರ್ವ್ ಪದ್ವಿ: ತಶೆಂಚ್ ಗ್ರೇಸ್ತ್‌ಕಾಯ್, ಜಾಣ್ವಾಯ್, ಬಳ್, ಮಾನ್, ಮಹಿಮಾ ಆನಿ ಸ್ತುತಿ" (ಜುವಾಂವ್ಕ್ ಕೆಲ್ಲೆಂ ಉಗ್ಡಾಪಣ್. 5:12). ತಾಕಾ ಸರ್ಗಿಂ, ಸಂಸಾರಿ ಅನಿ ಪಾತಾಳಿಂ ಆನಿ ದರ್ಯಾಂತ್ ಆಸ್ಲಲಿಂ ಮ್ಹಣ್ಜೆ ಸಗ್ಳಿ ಸೃಷ್ಟಿ ತಾಚೆಂ ನಾಂವ್ ಊಂಚ್ ಉಬಾರ್ನ್, ಗಾಯಾನ್ ಕರ್ನ್ ತಾಕಾ ನಮಾಸ್ಕಾರ್ ಕರ್ತೆಲಿಂ "ಶಿಯಾಸಣಾರ್ ಬಸ್ಲಲ್ಯಾಕ್ ಆನಿ ಶೆಳಿಯೆಕ್ ಜಾಂವ್ ಹೊಗ್ಳಪ್, ಮಾನ್, ಮಹಿಮಾ ಆನಿ ಪದ್ವಿ ಸಾಸ್ಣಾಚ್ಯಾ ಸಾಸ್ಣಾಕ್!" (ಜುವಾಂವ್ಕ್ ಕೆಲ್ಲೆಂ ಉಗ್ಡಾಪಣ್. 5:13).

"ತವಳ್ ಅಧಿಪತಿಚ್ಯಾ ಶಿಪಾಯಾಂನಿ ಜೆಜುಕ್ ರಾಜಾಂಗ್ಣಾಂತ್ ವರುನ್ ತಾಚೆ ಭಂವ್ತೊಣಿ ಆಪ್ಲೊ ಸಗ್ಳೊ ಪಂಗಡ್ ಎಕ್ಟಾಂಯ್ ಕೆಲೊ. ತಾಚೆಂ ಆಂಗ್ ವಸ್ತುರ್ ತಾಂಣಿ ಕಾಡ್ಲೆಂ ಆನಿ ತಾಚೆರ್ ಏಕ್ ರಗ್ತಾಂಬರ್ ಶೆಲೊ ಘಾಲೊ. ಆನಿ ಕಾಂಟ್ಯಾಂಚೊ ಏಕ್ ಮುಕುಟ್ ವಿಣುನ್ ತಾಚ್ಯಾ ಮಸ್ತಕಾರ್ ದವರ್ಲೊ ಆನಿ ತಾಚ್ಯಾ ಉಜ್ವ್ಯಾ ಹಾತಾಂತ್ ಚಿವ್ಯಾಚಿ ಬೆತ್ಕಾಟಿ ದಿಲಿ ಆನಿ ತಾಚೆ ಮುಕ್ಲ್ಯಾನ್ ದಿಂಬಿಯಾಂನಿ ಪಡೊನ್ ತಾಚಿಂ ಖೆಳ್ಕುಳಾಂ ಕರುನ್ ತೆ ಮ್ಹಣ್ತಾಲೆ: 'ನಮಾನ್ ಜುದೆವಾಂಚ್ಯಾ ರಾಯಾ!' ಆನಿ ತಾಚೆರ್ ಥಿಂಪಿ ಉಡಯ್ತಾಲೆ ಆನಿ ತಾಚ್ಯಾ ಹಾತಾಂತ್ಲಿ ಬೆತ್ಕಾಟಿ ಕಾಡ್ನ್ ತಾಚ್ಯಾ ಮಸ್ತಕಾಕ್ ಮಾರ್ತಾಲೆ" (ಮಾತೆ. 27:27-30). ಜೆಜುಚೆ ಕಶ್ಟಾಂಚೆ ಪಾಶಾಂವ್ ಆಮ್ಚೆಂ ಆಂಗ್ ಶಿರ್‍ಶಿರಾಂವ್ಚೆಂ ಕಠೀಣ್ ವಳ್ವಳ್ಯಾಂಚೆಂ ಜಾವ್ನಾಸ್ಲೆಂ.