"ಪವಿತ್ರ್ ಆತ್ಮೊ ತುಜೆರ್ ಯೆತಲೊ ಆನಿ ಪರಮೋನ್ನತಾಚಿ ಸಕತ್ ತುಜೆರ್ ಸಾವ್ಳಿ ಘಾಲ್ತಲಿ" (ಲೂಕ್. 1:35)
"ಕಿತ್ಯಾಕ್ ಸರ್ವೆಸ್ಪರಾ ಮುಖಾರ್ ತೊ ವರ್ತೊ ಜಾತಲೊ, ವಾಯ್ನ್ ವಾ ಅಮಾಲಾಚೆಂ ಕಸಲೆಂಯ್ ತೊ ಸೆವ್ಚೊನಾ; ಆನಿ ತಾಚೆ ಆವಯ್ಚೆ ಕುಶಿಂತ್ ಆಸ್ತಾನಾಂಚ್ ತೊ ಪವಿತ್ರ್ ಆತ್ಮ್ಯಾನ್ ಭರೊನ್ ಆಸ್ತಲೊ" (ಲೂಕ್. 1:15)
"ಎಲಿಜಾಬೆತಿನ್ ಮರಿಯೆಚೊ ನಮಾನ್ ಆಯ್ಕತಚ್, ತಿಚೆ ಕುಶಿಂತ್ ಆಸ್ಲಲ್ಯಾ ಬಾಳ್ಕಾನ್ ಉಡಿ ಮಾರ್ಲಿ; ಆನಿ ಎಲಿಜಾಬೆತ್ ಪವಿತ್ರ್ ಆತ್ಮ್ಯಾನ್ ಭರ್ಲಿ" (ಲೂಕ್. 1:41)
"ತವಳ್ ತಾಚೊ ಬಾಪುಯ್ ಪವಿತ್ರ್ ಆತ್ಮ್ಯಾನ್ ಭರ್ಲೊ ಆನಿ ಪ್ರವಾದ್ ಕರ್ನ್ ಮ್ಹಣಲಾಗ್ಲೊ" (ಲೂಕ್. 1:67)
"ಜುವಾಂವ್ನ್ ಉದ್ಕಾಚೆಂ ಸ್ನಾನ್ ದಿಲೆಂ; ಪುಣ್ ತುಮಿ ಆನಿಕ್ ಥೊಡ್ಯಾಚ್ ದಿಸಾಂನಿ ಪವಿತ್ರ್ ಅತ್ಮ್ಯಾಚೆಂ ಸ್ನಾನ್ ಘೆತಲ್ಯಾತ್" (ಧ. ಕೃ. 1:5)
"ಪುಣ್ ತುಮ್ಚೆರ್ ಪವಿತ್ರ್ ಅತ್ಮೊ ಯೆತಲೊ ತೆದ್ನಾ ತುಮ್ಕಾಂ ಬಳ್ ಮೆಳ್ತಲೆಂ. ಉಪ್ರಾಂತ್ ಜೆರುಜಲೆಮಾಂತ್, ಸಗ್ಳ್ಯಾ ಜುದೇಯಾಂತ್ ಆನಿ ಸಾಮಾರಿಯಾಂತ್ ಆನಿ ಸಂಸಾರಾಚ್ಯಾ ಪೊಂತಾ ಥಾವ್ನ್ ಪೊಂತ್ ಪರ್ಯಾಂತ್ ತುಮಿ ಮ್ಹಾಕಾ ಸಾಕ್ಸ್ ದಿತಲ್ಯಾತ್" (ಧ. ಕೃ. 1:8)
"ತೆ ಸಮೆಸ್ತ್ ಪವಿತ್ರ್ ಅತ್ಮ್ಯಾನ್ ಭರ್ಲೆ ಆನಿ ತ್ಯಾ ಅತ್ಮ್ಯಾನ್ ತಾಂಕಾಂ ದಿಲ್ಲೆ ವಾಚಾ ಸಕ್ತೆ ಪರ್ಮಾಣೆಂ ಪರ್ಕಿ ಭಾಸಾಂನಿ ತೆ ಉಲೊಂವ್ಕ್ ಲಾಗ್ಲೆ" (ಧ. ಕೃ. 2:4)
"ಆನಿ ನಿಮಾಣ್ಯಾ ದಿಸಾಂನಿ ಹೆಂ ಹಾಂವ್ ಕರ್ತಲೊಂ ಮ್ಹಣ್ತಾ ದೇವ್: ಸಗ್ಳ್ಯಾ ಮನ್ಶಾಕುಳಾಚೆರ್ ಹಾಂವ್ ಮ್ಹಜೊ ಪ್ರೇರಕ್ ಅತ್ಮೊ ಧಾಡ್ತಲೊಂ ಆನಿ ತುಮ್ಚೆ ಪೂತ್ ಆನಿ ಧುವೊ ಪ್ರವಾದ್ ಕರ್ತಲಿಂ" (ಧ. ಕೃ. 2:17)
"ಪಾತಕ್ ರಡಾ ಆನಿ ಜಿಣಿ ಬದಲಾ, ಆನಿ ತುಮ್ಚೆ ಮಧ್ಲೊ ಹರ್ಯೆಕ್ಲೊ ಆಪ್ಲ್ಯಾ ಪಾತ್ಕಾಂಚೆಂ ಭೊಗ್ಸಣೆಂ ಜೊಡ್ಚ್ಯಾಕ್ ಜೆಜು ಕ್ರಿಸ್ತಾಚೆ ನಾಂವಿಂ ಪವಿತ್ಸ್ನಾನ್ ಘೆಂವ್; ತವಳ್ ತುಮ್ಕಾಂ ಪವಿತ್ರ್ ಅತ್ಮ್ಯಾಚೆಂ ದೆಣೆಂ ಮೆಳ್ತಲೆಂ" (ಧ. ಕೃ. 2:38)
"ಹೇ ಪರಿಂ ತೆ ಮಾಗ್ಣೆಂ ಕರಿತ್ ಆಸ್ತಾನಾ, ತೆ ಜಮೊ ಜಾಲ್ಲಿ ತಿ ಸುವಾತ್ ಸಗ್ಳಿ ಹಾಲ್ಲಿ; ತೆ ಸಮೆಸ್ತ್ ಪವಿತ್ರ್ ಅತ್ಮ್ಯಾನ್ ಭರ್ಲೆ ಆನಿ ಧೈರಾನ್ ದೆವಾಚೆಂ ಉತರ್ ಪರ್ಗಟುಂಕ್ ಲಾಗ್ಲೆ" (ಧ. ಕೃ. 4:31)
"ಕಿತ್ಯಾಕ್ ತೊ ಏಕ್ ಬರೊ ಮನಿಸ್, ಪವಿತ್ರ್ ಅತ್ಮ್ಯಾನ್ ಆನಿ ಭಾವಾರ್ಥಾನ್ ಭರ್ಲಲೊ ತಸಲೊ. ಅಶೆಂ ಸೊಮಿಯಾ ಜೆಜುಚೊ ಪಾಟ್ಲಾವ್ ಕರ್ತಲ್ಯಾಂಚೊ ಸಂಖೊ ಜಾಯ್ತೊ ಚಡ್ಲೊ" (ಧ. ಕೃ. 11:24)
"ಸೊರೊ ಪಿಯೆವ್ನ್ ಬೆಬ್ದೆ ಜಾಂವ್ಚೆಂ ಸೊಡ್ನ್ ಸೊಡಾ; ನಾ ಜಾಲ್ಯಾರ್ ತುಮ್ಚೆಂ ಸಗ್ಳೆಂ ಜೀವನ್ಚ್ ಪಿಡ್ಡ್ಯಾರ್ ಜಾಯ್ತ್. ತಾಚೆ ಬದ್ಲಾಕ್ ಪವಿತ್ರ್ ಅತ್ಮ್ಯಾನ್ ಭರಾ" (ಎಫೆಜ್. 5:18)
ಮಾಗ್ಣೆಂ: ಸೊಮ್ಯಾ ಜೆಜು, ತುಕಾ ಹಾಂವೆಂ ಜಾಣಾಂ ಜಾಂವ್ಕ್, ಮ್ಹಾಕಾ ತುಂ ತುಜಾ ಪವಿತ್ರ್ ಅತ್ಮ್ಯಾನ್ ಭರ್. ತುಜೊ ಖರೊ ಮೋಗ್ ಕರ್ನ್, ತುಜೊ ಪಾಟ್ಲಾವ್ ಕರುಂಕ್ ಹಾಂವ್ ಆಶೆತಾಂ. ತುಂ ಮ್ಹಜೆಸವೆಂ, ಆನಿ ಹಾಂವ್ ತುಜೆಸವೆಂ ಆಸಾಂ ದೆಕುನ್ ಹಾಂವ್ ತುಕಾ ಅರ್ಗಾಂ ದಿತಾಂ. ಹಾಂವ್ ತುಜೆಸವೆಂ ಆಸಾಂ ದೆಕುನ್, ಬಾಪ್ ಮ್ಹಜೊ ಮೋಗ್ ಕರ್ತಾ ಆನಿ ಮ್ಹಜೆ ಥಂಯ್ ಉಲ್ಲಾಸ್ತಾ ಮ್ಹಣ್ ಹಾಂವ್ ಪಾತ್ಯೆತಾಂ. ಅರ್ಗಾಂ ತುಕಾ ಬಾಪಾ. ಆಮೆನ್.
"ಸೊಮ್ಯಾ ಜೆಜು, ತುಜಾ ಪವಿತ್ರ್ ಅತ್ಮ್ಯಾನ್ ಮ್ಹಾಕಾ ತುಂ ಭರ್" (ಹೆಂ ಜಾಯ್ತೆ ಪಾವ್ಟಿಂ ಮ್ಹಣಾ).