"ಜಾಗಿಂ ಜಾಯಾ, ಜಾಗ್ರುತ್ ರಾವಾ. ತುಮ್ಚೊ ವೈರಿ ದೆಂವ್ಚಾರ್ ಘರೊಜ್ ಘಾಲ್ತಲ್ಯಾ ಸಿಂಹಾಬರಿ ಕೊಣಾಕ್ ಗಿಳ್ಚೆಂ ಮ್ಹಣ್ ಸೊಧುನ್ ಭೊಂವ್ತಾ". (1 ಪೆದ್ರು 5:8)
"ಸುವಾರ್ತೆಚೊ ಉಜ್ವಾಡ್ ತಾಂಣಿಂ ಪಳೆನಯೆ ಮ್ಹಣ್ ಹ್ಯಾ ಸಂಸಾರಾಚ್ಯಾ ಅಧಿಪತಿನ್ ತಾಂಚ್ಯೊ ಅವಿಶ್ವಾಸಿ ಮತಿ ಕುರ್ಡ್ಯೊ ಕೆಲ್ಯಾತ್. ಹಾಚೇ ವರ್ವಿಂ ದೆವಾಚೆಂಚ್ ಸಾರ್ಕೆಂ ಜಾವ್ನಾಸ್ಲ್ಲೆಲ್ಯಾ ಕ್ರಿಸ್ತಾಚಿ ಮಹಿಮಾ ಸುವಾರ್ತೆಚ್ಯಾ ಪರ್ಜಳಾನ್ ಪರ್ಗಟ್ ಜಾಲ್ಲಿ ಪಳೆಂವ್ಕ್ ತೆ ಸಕನಾಂತ್". (2 ಕೊರಿಂಥ್ಗಾರಾಂಕ್ 4:4)
"ದೆಕುನ್ ದೆವಾಕ್ ತುಮಿ ಖಾಲ್ ಜಾಯಾ, ದೆಂವ್ಚಾರಾಕ್ ಆಡ್ ರಾವಾ, ಆನಿ ತೊ ತುಮ್ಚೆ ಥಾವ್ನ್ ಪೊಳ್ತಲೊ". (ಜಾಕೊಬಾಚೆಂ ಪತ್ರ್. 4:7)
"ಜೊ ಕೊಣ್ ಪಾತಕ್ ಕರ್ತಾ, ತೊ ದೆಂವ್ಚಾರಾಚೊ, ಕಿತ್ಯಾಕ್ ದೆಂವ್ಚಾರ್ ಸುರ್ವೆರ್ ಥಾವ್ನ್ ಪಾತ್ಕಿ. ದೆಂವ್ಚಾರಾಚಿಂ ಕಾಮಾಂ ನಾಸ್ ಕರುಂಕ್ ಮ್ಹಣ್ ದೆವಾಚೊ ಪೂತ್ ಆಯ್ಲೊ". (1 ಜುವಾಂವ್ 3:8)
"ದೆಕುನ್ ಜೆಜುಕ್ ಹೇ ಪರಿಂ ಒಳ್ಕನಾತ್ಲಲೊ ಖಂಯ್ಚೊಯ್ ಅತ್ಮೊ ದೆವಾ ಥಾವ್ನ್ ಯೇನಾ ಮ್ಹಣುನ್ ಸಾಂಗ್ಯೆತ್. ತೊ ಅತ್ಮೊ ಕ್ರಿಸ್ತಾ ವಿರೋಧ್ಯಾ ಥಾವ್ನ್ ಯೆತಾ. ತೊ ಯೆತಲೊ ಮ್ಹಣುನ್ ತುಮಿ ಆಯ್ಕಲಾಂ; ತೊ ಹ್ಯಾ ಸಂಸಾರಿಂ ಎದೊಳ್ಚ್ ಆಯ್ಲಲೊ ಆಸಾ". (1 ಜುವಾಂವ್ 4:3)
"ಪೂಣ್ ಭುರ್ಗ್ಯಾನೋ, ತುಮಿ ದೆವಾಚ್ಯಾ ಘರಾಣ್ಯಾಚಿಂ. ತ್ಯಾ ಕಪಟಿ ಪ್ರವಾದ್ಯಾಂಚೆರ್ ಜಯ್ತ್ ವ್ಹೆಲ್ಲಿಂ; ಕಾರಣ್, ತುಮ್ಚೇ ಸವೆಂ ಆಸಾ ತೊ ಅತ್ಮೊ ಸಂಸಾರಾ ಸವೆಂ ಆಸ್ಲಲ್ಯಾ ಅತ್ಮ್ಯಾಪ್ರಾಸ್ ಚಡ್ ಬಳಾದಿಕ್". (1 ಜುವಾಂವ್ 4:4)
"ರಗ್ತಾಮಾಸಾ ಥಾವ್ನ್ ಉಬ್ಜತಾತ್ ತಿಂ ಕೃತ್ಯಾಂ ಸ್ವಷ್ಟ್ ಒಳ್ಕುಂಯೆತಾತ್: ವ್ಯಭಿಚಾರ್, ಅನಿಸ್ಕಳ್ಪಣ್, ಪೊಜ್ಡೆಪಣ್, ಬೊಂಬ್ಯಾಂಪುಜಾ, ಮಾಟ್, ದುಸ್ಮಾನ್ಕಾಯ್, ಝಗ್ಡಿಂ, ಮಸರ್, ರಾಗ್, ಸ್ವಾರ್ಥ್, ಮನಾಭೇದ್, ತಂಡ್. ಪೆಲ್ಯಾಚೊ ಪೊಟ್ಜಾಳ್, ಬೆಬ್ದೆಪಣ್, ಪಾನೋತ್ಸವ್ ಆನಿ ಅಸಲೆಂ ಸಕ್ಕಡ್; ಹಾಂಚೇ ವಿಶ್ಯಾಂತ್ ಹಾಂವೆಂ ತುಮ್ಕಾಂ ಚತ್ರಾಯ್ ಸಾಂಗ್ಲ್ಯಾ, ಆನಿ ಪರ್ತ್ಯಾನ್ಯೀ ಹಾಂವ್ ಸಾಂಗ್ತಾಂ: ಅಸಲೆಂ ಕರ್ತಾತ್ ತಿಂ ದೆವಾಚೆಂ ರಾಜ್ಯ್ ಜೊಡಿಶಿನಾಂತ್". (ಗಾಲಾತ್ಗಾರಾಂಕ್. 5:19-21)
"ತುಮ್ಚ್ಯಾ ಅಪ್ರಾಧಾಂ ಆನಿ ಪಾತ್ಕಾಂ ವರ್ವಿಂ ಏಕ್ ಕಾಳಾರ್ ತುಮಿ ಮೆಲ್ಲ್ಯಾತ್. ತವಳ್ ತುಮಿ ಹ್ಯಾ ಸಂಸಾರಾಚೇ ಖೊಟೆ ವಾಟೆನ್ ಚಲುನ್ ಆಸ್ಲ್ಲ್ಯಾತ್; ಅಂತ್ರಾಳಾ ವಯ್ಲ್ಯಾ ಅತ್ಮೀಕ್ ನಿವಾಸಿಯಾಂಚ್ಯಾ ಅಧಿಪತಿಕ್ ತಶೆಂಚ್ ದೆವಾಚೆಂ ಉತರ್ ಮಸ್ತುನ್ ಚಲ್ತಲ್ಯಾಂ ಮಧೆಂ ರಾಜ್ಯ್ ಕರ್ತಾ ತ್ಯಾ ಅತ್ಮ್ಯಾಕ್ ತುಮಿ ಖಾಲ್ ಜಾವ್ನ್ ಚಲ್ತಾಲ್ಯಾತ್". (ಎಫೆಜ್ಗಾರಾಂಕ್. 2:1-2)
"ಆಮ್ಚೆಂ ಝಜ್ ಫಕತ್ ಮನ್ಶಾಂ ವಿರೋಧ್ ನ್ಹಯ್. ಅಂತ್ರಳಾರ್ ಆಸ್ಲಲ್ಯಾ ಅಧಿಕಾರ್ಯಾಂ ಆನಿ ಅಧಿಪತಿಂ ವಿರೋಧ್; ಅಂಧ್ಕಾರಿ ಸಂಸಾರಾಚ್ಯಾ ರಾಜತ್ವಾಂ ಆನಿ ಪ್ರಭುತ್ವಾಂ ವಿರೋಧ್". (ಎಫೆಜ್ಗಾರಾಂಕ್. 6:12)
"ಉಪ್ರಾಂತ್ ದೆಂವ್ಚಾರಾನ್ ತಾಕಾ ವಯ್ರ್ ಉಬಾರ್ನ್ ವ್ಹೆಲೊ ಆನಿ ಏಕ್ ಖಿಣಾಭಿತರ್ ಸಂಸಾರಾಚಿಂ ಸರ್ವ್ ರಾಜ್ಯಾ ದಾಖೊವ್ನ್ ಮ್ಹಳೆಂ: 'ಹ್ಯಾ ಸರ್ವಾಂಚೊ ಅಧಿಕಾರ್ ಆನಿ ತಾಂಚೊ ವೈಭವ್ ಹಾಂವ್ ತುಕಾ ದಿತಾಂ; ಕಿತ್ಯಾಕ್ ಹೊ ಅಧಿಕಾರ್ ಮ್ಹಜೇ ಸ್ವಾಧೀನ್ ಸೊಡ್ಲಾ ಆನಿ ಮ್ಹಾಕಾ ಖುಶಿ ಆಸಾ ತಾಕಾ ಹಾಂವೆಂ ತೊ ದಿವ್ಯೆತ್". (ಲೂಕ್. 4:5-6)
"ಅವಿಶ್ವಾಸ್ಯಾಂನೋ, ಹ್ಯಾ ಸಂಸಾರಾಚಿ ಇಷ್ಟಾಗತ್ ಕರ್ಚಿ ಮ್ಹಳ್ಯಾರ್ ದೆವಾಚೆ ದುಸ್ಮಾನ್ ಜಾಂವ್ಚೆಂ ಮ್ಹಣ್ ತುಮಿ ನೆಣಾತ್ಗಾಯ್? ತ್ಯಾ ಪಾಸತ್ ಜೊ ಕೊಣ್ ಹ್ಯಾ ಸಂಸಾರಾಚೊ ಈಷ್ಟ್ ಜಾಂವ್ಕ್ ಅಪೇಕ್ಷಿತಾ, ತೊ ದೆವಾಚೊ ವಿರೋಧಿ ಜಾತಾ". (ಜಾಕೊಬಾಚೆಂ ಪತ್ರ್. 4:4)
ಮಾ| ಜೆರಿ ಸಿಕ್ವೇರಾ, ಎಸ್.ವಿ.ಡಿ.