ಮೊಗಾಚಿ ಆನಿ ಕಾಕುಳ್ತಿಚಿ ಝರ್,
ವಿಶಾಲ್ ದರ್ಯಾ ಸಾರ್ಕೊ ಮೋಗ್ ಕಾಕ್ಳುತ್ ಆನಿ ಇಷ್ಟಾಗತೆಚೆಂ ಕೇಂದ್ರ್ಚ್ ಜೆಜುಚೆಂ ಪವಿತ್ರ್ ಕಾಳಿಜ್. ತುಮಿ ಕಷ್ಟತೆಲ್ಯಾನೊ ಆನಿ ದಣ್ಸತೆಲ್ಯಾಂನೊ ಮ್ಹಜೆಲಾಗಿಂ ಯೆಯಾ, ಹಾಂವ್ ತುಮ್ಕಾಂ ವಿಶೆವ್ ದಿತಲೊಂ ಮ್ಹಳ್ಳೊ ಸೊಮಿ ಜೆಜುಕ್ರಿಸ್ತ್ ಆಪ್ಣೆಂ ಬೊಟ್ ತಾಚ್ಯಾ ಕಾಳ್ಜಾಚ್ಯಾ ಕುಶಿನ್ ದಾಕೊವ್ನ್ ಆಮ್ಕಾಂ ಮೊಗಾನ್ ಆಪಯ್ತಾ.
ತುಜೆಂ ದಿರ್ವೆಂ ಖಂಯ್ಸರ್ ಆಸಾಗಿ ಥಂಯ್ಸರ್ ಆಸಾ ತುಜೆಂ ಮನ್ ಆನಿ ಕಾಳಿಜ್. ಕ್ರಿಸ್ತಾಚ್ಯಾ ಕಾಳ್ಜಾಚೆ ಗುಂಡಾಯೆಕ್ ದೆಂವ್ತಲ್ಯಾಕ್ ವಿವಿಧ್ ಥರಾಂಚಿ ದಿರ್ವಿಂ ಆಪ್ಣಾಂವ್ಕ್ ಜಾತಾತ್ ಮ್ಹಳ್ಳೆಂ ವರ್ತೆಂ ಸತ್ ಸೊಮಿ ಜೆಜು ಕ್ರಿಸ್ತಾನ್ ಹ್ಯಾ ಸಕಯ್ಲ್ಯಾ ಆಶಿರ್ವಾದಾಂ ಸವೆಂ ಆಮ್ಕಾಂ ಭಾಸಾಯ್ಲಾಂ.
ದೆಕುನ್೦ಚ್ ಜೆಜುಚ್ಯಾ ಭೋವ್ ಪವಿತ್ರ್ ಕಾಳ್ಜಾಚೆರ್ ಗೂಂಡ್ ಭಾವಾರ್ಥ್ ದವರ್ನ್ ಮಾಗೊಂಕ್ ಆಮ್ಕಾಂ ಆನಿ ಆಮ್ಚಾ ಕುಟ್ಮಾಂಕ್ ಸಮರ್ಪುನ್ ದೀಂವ್ಕ್ ಜೆಜು ಆಶೆತಾ.
ಜೆಜುಚ್ಯಾ ಪವಿತ್ರ್ ಕಾಳ್ಜಾಚೆಂ ಮಾಗ್ಣೆಂ ಖಳನಾಸ್ತಾನಾ ಮ್ಹಣ್ತಲ್ಯಾಕ್ ಮ್ಹಜ್ಯಾ ಬೊಟಾಚೆ ತುದಿಯೆನ್ ತಾಚ್ಯಾ ಆನಿ ಮ್ಹಜೆ ಮಧೆಂ ಖುರ್ಸಾಚ್ಯಾ ಗುರ್ತಾನ್ ಬರಯ್ತಲೊಂ ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾಂತ್ ತಾಚೊ ಮೋಗ್ ಕರ್ನ್ ತಾಕಾ ರಾಕ್ತಲೊಂ ಆನಿ ಮ್ಹಜ್ಯಾ ಸುರುಪಾಯೆನ್ ತಾಕಾ ಪವಿತ್ರ್ ಕರ್ತಲೊಂ ಮ್ಹಳ್ಳ್ಯಾ ಜೆಜು ಕ್ರಿಸ್ತಾನ್ ಹಿಂ ಸರ್ವ್ ಬೆಸಾಂವಾಂ ಆಮ್ಕಾಂ ಭಾಸಾಯ್ಲ್ಯಾಂತ್.
ಮ್ಹಜ್ಯಾ ಕಾಳ್ಜಾಚೆರ್ ಭರ್ವಸೊನ್ ಸುವಾರ್ತಾ ಪ್ರಗಟ್ ಕರ್ತಲ್ಯಾ ಸರ್ವಾಂಕ್ ಸತಾಚೆ ವಾಟೆನ್ ಚಲೊಂಕ್ ಕುರ್ಪಾ ದಿತಲೊಂ. ಮ್ಹಜ್ಯಾ ಕಾಳ್ಜಾಕ್ ಭಕ್ತಿನ್ ಆರಾಧಾನ್ ಆನಿ ಮಾನ್ ಕರ್ಚ್ಯಾ ಸೆವಕಾಂಚಿ ನಾಂವಾಂ ಮ್ಹಜ್ಯಾ ಕಾಳ್ಜಾಂತ್ ಮ್ಹೊರ್ ಮಾರುನ್ ದವರ್ತಲೊಂ.
ನೋವ್ ಮಹಿನೆ ಪಯ್ಲ್ಯಾ ಸುಕ್ರಾರಾ ದಿಸಾ ಎವ್ಕರಿಸ್ತಾಚ್ಯಾ ಬಲಿದಾನಾಂತ್ ಭಾಗಿದಾರ್ ಜಾವ್ನ್ ಕ್ರಿಸ್ತ್ ಪ್ರಸಾದ್ ಸೆವ್ತಲ್ಯಾಂಕ್ ಏಕ್ ಬರ್ಯಾ ಮೊರ್ನಾಚಿ ಕುರ್ಪಾ ದಿತಲೊಂ.
ಮ್ಹಜ್ಯಾ ಕಾಳ್ಜಾಕ್ ಸಮರ್ಪಿಲ್ಯಾ ಕುಟ್ಮಾಂತ್ ಶಾಂತಿ ಆನಿ ಸಮಾಧಾನ್ ಧಾಡ್ತಲೊಂ.
ಮ್ಹಜ್ಯಾ ಭಕ್ತಾಂಕ್ ತಾಂಚ್ಯಾ ಅಂತಸ್ತಾ ಪ್ರಮಾಣೆಂ ವರ್ತಿಂ ಆಶಿರ್ವಾದಾಂ ಘಾಲ್ತಲೊಂ!
ಸೊಮ್ಯಾ ಹಾತ್ ತುಜೆ ವಿಸ್ತಾರುನ್
ತುಜ್ಯಾ ಕಾಳ್ಜಾಲಾಗಿಂ ಆಪಯ್ತಾಯ್;
ಗುಂಡಾಯೆಂತ್ ತ್ಯಾ ದೆಂವೊನ್
ದಿರ್ವಿಂ ಆಮ್ಕಾಂ ಭಾಸಾಯ್ತಾಯ್!
(ಆಧಾರಾನ್)
ವಿನ್ಸೆಂಟ್ ಮಾರ್ಟಿಸ್, ಪಾಂಗ್ಳಾ